नयाँ दिल्ली: भारतका शीर्ष एकल टेनिस खेलाड़ी सुमित नागलले हालका प्रभावशाली प्रदर्शनको बुतामा सोमवार जारी एटीपी एकल ऱ्याङकिंगमा करियरको सर्वश्रेष्ठ ९५औं स्थान हासिल गरे। नागलको यसअघि सर्वश्रेष्ठ ऱ्याङकिंग ९७ थियो। उनले त्यो ऱ्याङकिंग फरवरीमा एटीपी च्यालेञ्जर स्तरको प्रतियोगिता चेन्नई ओपनको खिताब जितेपछि हासिल गरेका थिए। नागलले जनवरीमा अष्ट्रेलियन ओपनको मुख्य ड्र-मा स्थान बनाएर सबैको ध्यान आकर्षित गरेका थिए। उनी यस प्रतियोगितामा वरीयता प्राप्त खेलाड़ी (कजाखस्तानका अलेक्जेण्डर बुबलिक)-लाई पराजित गर्ने पहिलो भारतीय पनि बनेका थिए तर दोस्रो राउण्डमा उनी चीनका शांग जुनचेंग विरुद्ध पराजित भएर बाहिर भएका थिए। चेन्नई ओपनमा खिताब जितेपछि उनले एटीपी ५०० प्रतियोगिता (दुबई च्याम्पियनशीप) र एटीपी १००० मास्टर्स (इण्डियन वेल्स र मियामी) बाहेक अझ दुईवटा च्यालेञ्जर टुर्नामेण्ट खेले। यस अवधि उनको सर्वश्रेष्ठ प्रदर्शन बेंगलुरु च्यालेञ्जरको सेमिफाइनलमा पुग्नु रह्यो। नागल अहिले मोरक्कोको मराकेशमा एउटा एटीपी २५० स्तरको प्रतियोगिता ग्राण्ड प्रिक्स हसन दुई-को तयारी गरिरहे छन्, जहाँ उनले शुरुवाती राउण्डमा फ्रान्सका कोरेण्टिन मौटेट विरुद्ध खेल्नेछन्।