दार्जिलिङ: आज गोर्खा जनमुक्ति मोर्चाले यसपालीको लोकसभा चुनावमा भारतीय जनता पार्टीलाई समर्थन गर्ने घोषणा गरेपछि भाजपाको प्रार्थी राजु विष्टले गोर्खा जनमुक्ति मोर्चालाई धन्यवाद दिएका छन्। राजु विष्टले आज एक प्रेस विज्ञप्ति जारी गर्दै गोजमुमो र क्रान्तिकारी मार्क्सवादी कम्युनिष्ट पार्टी (CPRM) का नेताहरू र कार्यकर्ताहरूलाई भाजपालाई समर्थन र आगामी २०२४ को आम चुनावमा आफ्नो उम्मेदवारी घोषणा गरेकोमा हृदयदेखि नै आभार व्यक्त गर्दछु भनी बताएका छन्। उनले विज्ञप्ति जारी गर्दै भने, उनीहरुको समर्थन प्रधानमन्त्री नरेन्द्र मोदीको दूरदर्शी र समावेशी नेतृत्वको मान्यता हो। नरेन्द्र मोदीको “सबका साथ, सबका विकास” सुनिश्चित गर्न ठोस कदम चाल्दैछन्। मेरो निर्वाचन क्षेत्रका जनतालाई थाहा छ, विगत पाँच वर्षमा मैले हाम्रो क्षेत्रका दुवै राजनीतिक समस्या समाधान गर्न र जनताका विकासका आवश्यकतालाई सम्बोधन गर्न लगनशील भएर काम गरेको छु। फलस्वरूप, हाम्रो क्षेत्रले सामना गरिरहेका धेरै समस्याहरू समाधान भएका छन्, जबकि अन्य समस्याहरू समाधान हुने प्रक्रियामा छन्।
पीएम मोदीको नेतृत्वमा हाम्रो सरकारले अनुच्छेद ३७० खारेज गर्ने, तीन तलाकमाथि प्रतिबन्ध लगाउने, अयोध्यामा श्रीराम मन्दिरको निर्माण जस्ता धेरै विवादास्पद मुद्दाहरूलाई सम्बोधन गर्न सक्षम भएको छ। दार्जिलिङ पहाड, तराई र डुवर्सका जनता र भारतभरका गोर्खा जनताले प्रधानमन्त्री मोदीको नेतृत्वमा पूर्ण विश्वास गरेका छन्।’
उनले अघि भने, हाम्रो क्षेत्र र जनताका सबै राजनीतिक र विकासका आकांक्षाहरूलाई सम्बोधन गर्ने सुनिश्चित गर्न हामी सबै मिलेर दोब्बर गतिमा काम गर्नेछौं। म हाम्रा गठबन्धन पार्टीहरूका नेताहरू, र दार्जिलिङका जनतालाई उनीहरूको अटुट समर्थनको लागि धेरै आभारी छु। म फेरि एक पटक गोजमुमो र क्रामाकपा नेताहरूलाई स्वागत र धन्यवाद दिन्छु र उनीहरूलाई आश्वासन दिन्छु कि एकजुट भएर हामीले हाम्रो क्षेत्रको रूपान्तरण सुनिश्चित गर्नेछौं र हाम्रा आगामी पुस्ताहरूको लागि राम्रो र उज्यालो भविष्यको लागि जग बसाल्नेछौं।”