गान्तोक: नाम्ची जिल्लाको निम्ति व्यय पर्यवेक्षककोरूपमा आएका आशिष कुमार शुक्लाले आज नाम्ची जिल्लाका सह पर्यवेक्षक, एकाउन्टिङ टोली र भीडियो भिविङ टोलीलाई लिएर चुनाउको समयमा उम्मेदवारहरूले गरिने खर्चबारे सभा आयोजना गरे। नाम्चीको टाउन हलमा सम्पन्न भएको सभामा व्यय पर्यवेक्षकले सबै अधिकारीहरूलाई बैठकको क्रममा, व्यय पर्यवेक्षकले अधिकारीहरू र टोलीहरूलाई भारतको चुनाउ आयोगद्वारा सुम्पिएको जिम्मेवारी अनुरूप प्रक्रिया र दिशानिर्देशहरूसँग उचित रूपमा संलग्न हुन निर्देशन दिए। यसका साथै उम्मेदवारलाई उम्मेदवारको उजुरीमा तुरुन्त उपस्थित हुन र कारबाही प्रतिवेदन कायम राख्न पनि उनले आग्रह गरेका छन्। उनले भिभिटीहरूलाई रेकर्ड गरिएको भिडियोको गुणस्तर जाँच गर्न र निर्वाचन सम्पन्न नभएसम्म यसको डाटा ब्याकअप सुनिश्चित गर्न निर्देशन दिए। उनले सह पर्यवेक्षकहरूलाई आफ्नो फ्लाइङ स्क्वाड टोलीसँग दिनको कम्तिमा दुई पटक समन्वय गरी नमूना आचार संहिताको उल्लङ्घन भएमा प्रभावकारी अनुगमन गर्न निर्देशन दिए। साथै उम्मेदवारको चुनावी प्रचारप्रसारमा भएका सबै खर्चको खर्च विवरणको उपयुक्त लेखापरीक्षण गर्न अनुगमन टोलीलाई उनले सुझाव दिए।