इम्फाल: बिहीबार बिहान पश्चिमा आसामको कछार जिल्लाको सिमानामा रहेको मणिपुरको जिरिबम जिल्लाको बोरोबेकरा उपविभागको दुर्ग्रा लामताई खुनौमा अज्ञात आक्रमणकारीहरूले बम प्रहार र गोली चलाउँदा एक हार्डवेयर स्टोर सहित तीन दाेकानमा नराम्ररी क्षति पुगेको  अधिकारीहरुले बताएका छन्।
बिहीबार दिउँसो २ बजेतिर जिरिवामको बोरोबेक्रा उप–डिभिजन लमटाई खुनाउका ३७ वर्षीय व्यापारी हाओबाम बुढीको तीन दाेकानमा हतियारधारीले बम र गोली प्रहार गरेका थिए। कम्प्युटर पार्टपुर्जा, हार्डवेयर दाेकान र किराना सामान बेच्ने दाेकानमा नराम्ररी क्षति पुगेको छ।हतियारधारीले गरेको आक्रमणमा करिब १० लाख रुपैयाँ बराबरको धनमाल नष्ट भएको बताइएको छ। दाेकान मालिक हाओबाम बुढीले बिहीबार पुलिसमा उजुरी दिएका छन्। विगत केही महिनामा अज्ञात समूहले दाेकानमा आक्रमण गरेको यो दोस्रो पटक भएको बताउँदै अहिलेसम्म कुनै व्यक्ति वा भूमिगत समूहले दाेकानमा आक्रमण नगरेको दाेकान मालिकले बताए। उनीहरुबाट कुनै आर्थिक माग गरिएको छैन। यसैबीच पुलिसले आक्रमणको कारण पत्ता लाग्ने र दोषीको खोजी भइरहेको जनाएको छ। लमताई खुनौ युथ क्लबका अध्यक्ष वाई सञ्जयले पत्रकारहरुसँग कुरा गर्दै आक्रमणमा संलग्नलाई यथाशीघ्र पक्राउ गरी उचित सजाय दिन मुख्यमन्त्री एन वीरेन सिंहको ध्यानाकर्षण गराए।
केही महिनाअघि सोही दाेकानमा भएको आक्रमणमा संलग्न अपराधीलाई प्रहरीले पक्राउ गर्न नसकेकोमा पनि उनले दुःख व्यक्त गरे।