मस्को: रुसको अनुसन्धान समितिका अनुसार मस्कोको क्रोकस सिटी हलमा भएको आतंकवादी हमलामा मृत्यु हुनेको संख्या ११५ पुगेको छ।सीएनएनको रिपोर्टका अनुसार समितिले मर्नेको संख्या अझै बढ्न सक्ने अनुमान गरेको छ। मस्को क्षेत्रका गभर्नर एन्ड्रे भोरोबियोभ मृतकका आफन्तले ३२,५०० डलर र घाइतेले १०,८४० डलर पाउने बताए। रूसी सरकारी सञ्चारमाध्यमका अनुसार रुसी सुरक्षा सेवा (एफएसबी)का निर्देशक अलेक्ज्याण्डर बोर्टनिकोभले शुक्रबार रुसी राष्ट्रपति भ्लादिमिर पुटिनलाई आक्रमणमा संलग्न भएको आरोपमा ११ जनालाई हिरासतमा लिइएको बताए। मस्को नजिकैको क्रोकस कम्प्लेक्समा अमेरिकाले रुसलाई सम्भावित आतंकवादी हमलाको चेतावनी दिएको थियो, जसलाई राष्ट्रपति पुटिनले ‘उत्तेजक’ भन्दै खारेज गरेका थिए। टीएएसएसले भने, ‘आक्रमणमा प्रत्यक्ष संलग्न चारै जना आतंककारी पक्राउ परेका छन्।‘

राज्यको स्वामित्वमा रहेको रुसी समाचार एजेन्सी टीएएसएसले पनि आक्रमणकारीहरूले युक्रेनी पक्षसँग सम्पर्क गरेको रिपोर्ट गरेको छ। समितिका अनुसार आपतकालीन सेवाहरूले आतंकवादी हमलाको स्थलमा भग्नावशेष सफा गरिरहेको छ- मस्को ओब्लास्टको क्रोख सिटी हलमा धेरै शवहरू फेला परेको थियो। प्रारम्भिक निरीक्षणपछि समितिले कन्सर्ट हलमा आतङ्ककारीले गोलाबारुद र स्वचालित हतियार प्रयोग गरेको बताएको छ। समितिले ब्यालेस्टिक, वंशाणुगत र फिंगरप्रिन्टको अनुसन्धान भइरहेको जनाएको छ। आतंकवादीले आक्रमण गरेको पनि पुष्टि भएको छ। कम्प्लेक्समा आगजनी गर्न ज्वलनशील तरल पदार्थ प्रयोग गरेको समितिले जनाएको छ। समितिले युक्रेनसँगको सीमा नजिक ब्रायान्स्क क्षेत्रमा रहेको मलमा राति ८ बजेतिर आक्रमण भएको चार संदिग्धलाई नियन्त्रणमा लिएको जनाएको छ। आरटी रिपोर्टका अनुसार शुक्रबार (स्थानीय समय) मा प्रख्यात रक ब्यान्ड पिकनिकको कन्सर्ट यसको संगीत स्थलमा शुरु हुन लाग्दा नै हताहत भएको थियो।