पानीट्याङ्की: दार्जिलिङ लोकसभा निर्वाचन क्षेत्रबाट तृणमूल कांग्रेसका उम्मेदवार गोपाल लामाले खोरीबारी पानीट्याङ्कीमा भएको भीषण आगलागी स्थलको निरीक्षण गरेका छन्। गोपाल लामा शनिबार दार्जिलिङ जिल्ला तृणमूल अध्यक्ष पपिया घोष र सिलगढी महकुमा परिषद अध्यक्ष अरुण घोषसँग घटनास्थल पुगेका थिए। उनले पीडित व्यवसायीसँग पनि कुराकानी गरे। सिलगढी महकुमा परिषद्का अध्यक्षले पनि पीडित व्यवसायीहरूलाई सबै प्रकारको सहयोग गर्ने आश्वासन दिए।