नयाँ दिल्ली: विदेश मन्त्री एस जयशंकरले नागरिकता संशोधन ऐन (सीएए) को बारेमा संयुक्त राज्य अमेरिकाको आलोचनालाई अस्वीकार गरेl उनले भने, ‘यी टिप्पणीहरू कानूनको ऐतिहासिक पृष्ठभूमिको उचित जानकारी बिना गरिएको थियोl’ इण्डिया टुडे कन्क्लेभमा बोल्दै विदेश मन्त्रीले सीएए विभाजनबाट उत्पन्न चुनौतीहरूको सामना गर्नका लागि ल्याइयो र विश्वव्यापी प्रतिक्रियाले विभाजनको ऐतिहासिक सन्दर्भलाई बेवास्ता गरेको टिप्पणी गरे। विदेशमन्त्री एस जयशंकरले भने, ‘म तिनीहरूको लोकतन्त्र, तिनीहरूका सिद्धान्तहरू वा यसको अभावका त्रुटिहरूमाथि प्रश्न उठाइरहेको छैन। म उनीहरुको हाम्रो इतिहासको बुझाइमा प्रश्न उठाइरहेको छुl’ भारतका लागि अमेरिकी राजदूत एरिक गार्सेट्टीले शुक्रबार इण्डिया टुडे कन्क्लेभमा बोल्दै अमेरिकाले सिद्धान्तहरू त्याग्न नसक्ने र धार्मिक स्वतन्त्रता र समानताका सिद्धान्तहरू लोकतन्त्रको आधारशिला भएको बताए। विदेशमन्त्री  एस जयशंकरले भने, ‘मेरो पनि सिद्धान्तहरू छन् र मेरो सिद्धान्तहरूमध्ये एउटा भनेको विभाजनको समयमा निराश भएकाहरूप्रति मेरो दायित्व हो। यदि तपाईंले केही आस्थालाई छुट्याउनुभएको हो, अरूलाई होइन, त्यसोभए। म तपाईंलाई संसारभरका धेरै उदाहरणहरू दिनेछुl’