कोलकाता: भाजपाका  सांसद दिलीप घोषले आइतबार बिहान न्यूटाउन इकोपार्कमा पत्रकारहरूसँग कुरा गर्दै भने कि निर्वाचन आयोगले स्वतन्त्र र निष्पक्ष निर्वाचन गर्न सात चरणमा चुनावको रूपरेखा बनाएको छ।‘यतिखेर देशभर निष्पक्ष निर्वाचनका लागि धेरै प्रयास भइरहेका छन्। यसका लागि निर्वाचन आयोगले विभिन्न दलसँग छलफल गरिरहेको छ। प्रशासनिक बैठक पनि चलिरहेको छ। यति धेरै चरणमा चुनाव गराउनुको एउटै उद्देश्य शान्तिपूर्ण निर्वाचन गराउनु हो। कतिपय राज्यमा हिंसा बढी छ। त्यसैले यसपटक त्यहाँ थप फौज तैनाथ गरिएको छ। साथै, विशेष निगरानी राखिएको छ’, उनले भने। सांसद अभिषेक ब्यानर्जीले केन्द्रले बंगाललाई वञ्चित गरेको आरोप लगाएको प्रश्नमा दिलीप घोषले भने, ‘केन्द्रले वञ्चित गरेको भए तृणमूलका नेताहरूसँग यति धेरै घर र सवारीसाधन हुन्छ, कसरी आयो? कसरी भयो ब्यांक ब्यालेन्स यति धेरै? उनीहरुको घरबाट यत्रो पैसा कसरी निस्कन्छ? सबै पैसा केन्द्रले पठाएको हो। जनतालाई थाहा छ पैसा कहाँबाट आउँदैछ, यो सबै केन्द्रको पैसा हो, जुन जनतालाई दिइएको थियोl’ सीबीआईले शेख शाहजहाँका भाई आलमगीरसहित तीन जनालाई पक्राउ गरेको सम्बन्धमा उनले भने कि आरोपीलाई पक्राउ गरिनेछ।