इण्डियन वेल्स: विश्वकी नम्बर एक खेलाड़ी इगा स्वियातेकले नम्बर ३१ युक्रेनकी खेलाड़ी मार्ता कोस्त्युकलाई ६-२, ६-१-ले पराजित गरी बीएनपी परिबास (इण्डियन वेल्स) ओपन टेनिस टुर्नामेण्टमा महिला एकलको फाइनलमा स्थान बनाइन्। फाइनलमा उनको भिड़न्त विश्वकी नम्बर ९ खेलाड़ी मारिया सकारीसँग हुनेछ, जसले अन्य एउटा सेमिफाइनलमा अमेरिकाकी कोको गाफलाई पराजित गरिन्। पोल्याण्डकी खेलाड़ी स्वियातेकले हार्ड कोर्टमा आफ्नो दक्षता साबित गर्दै युक्रेनकी खेलाड़ीलाई शुरुदेखि नै चेपारोमा पारिन्। खुट्टाको चोटले गर्दा कोस्त्युकको निम्ति चुनौती झन् जटिल बन्यो। उनले म्याचको अवधि मेडिकल टाइमआउट पनि लिनु पऱ्यो। यसरी स्वियातेकले शीर्ष वरीयता प्राप्त खेलाड़ीको रूपमा आफ्नो कौशल देखाउँदै केवल ६९ मिनटमा म्याच जितिन्। यसरी ग्रीककी खेलाड़ी सकारीले गाफ विरुद्ध ६-४, ६-७ (५), ६-२-ले जीत हासिल गरिन्। म्याच चरम रोमाञ्चक रह्यो, जसमा सकारीले धैर्यको साथ खेल्दै करियरमा दोस्रोपल्ट फाइनलमा स्थान सुरक्षित गरिन्। उनले म्याच जित्न २ घण्टा ४२ मिनट समय लाग्यो।