काेलकत्ता: दिव्यांग क्रिकेट काउन्सिल अव् इण्डियाको तत्त्वावधानमा शुक्रवार (१५ मार्च)-देखि कलकत्तामा दिव्यांग त्रिकोणीय टी२० क्रिकेट ट्रफी २०२४ प्रतियोगिताको आयोजन गरिनेछ। बिहीवार टुर्नामेण्टको औपचारिक घोषणा अनि ट्रफी अनावरण गरिएको थियो। कार्यक्रममा पूर्व भारतीय क्रिकेटर अरुण लाल, बंगाल क्रिकेट एसोसिएशन (सीएबी)-का सीईओ चिन्मय नायक, रवि चौहान (महासचिव, डीसीसीआई), स्क्वाड्रन लीडर अभय प्रताप सिंह (संयुक्त सचिव, डीसीसीआई), अरुण सराफ (वेष्ट बेंगल क्रिकेट एसोसिएशन फर डिफरेण्टली-एबल्डका मुख्य संरक्षक), राजेश भारद्वाज (कर्पोरेट कम्यूनिकेशन कमिटीका अध्यक्ष, डीसीसीआई) र सुरेन्द्र अग्रवाल (डीसीसीआई दक्षिण भारतका अध्यक्ष)-को साथमा अन्य गण्यमान्य व्यक्तिहरूका उपस्थिति रहेको थियो। दिव्यांग त्रिकोणीय टी२० क्रिकेट प्रतियोगिता विभिन्न दिव्यांग व्यक्तिहरूद्वारा खेलिने एउटा अन्य प्रारूपको क्रिकेट हो। यसमा मुख्यधाराको क्रिकेटको आकर्षण र ग्ल्यामरबीच दिव्यांग क्रिकेटरको रूपमा क्रिकेटप्रेमीहरूका एउटा यस्तो वर्ग पनि रहेका छन्, जसलाई लामो समयदेखि अवहेलित गरिएको छ। दिव्यांग क्रिकेटमा ब्लाइण्ड क्रिकेट, मूक-बधिर क्रिकेट, शारीरिक विकलांगता क्रिकेट र व्हीलचेयर क्रिकेट जस्ता विभिन्न रूप सामेल हुनेछ। प्रतियोगिताको आयोजन बारासात स्थित आदित्य एकाडमीमा हुनेछ, जसमा तीनवटा राज्य पञ्जाब, उत्तर प्रदेश र पश्चिम बंगालका टीमहरूले हिस्सा लिनेछन्। टुर्नामेण्टबारे डीसीसीआई-का महासचिव रवि चौहानले भने, दिव्यांग त्रिकोणीय टी२० ट्रफी एउटा अनौठो मञ्च हो, जसले दिव्यांग क्रिकेटरहरूका प्रतिभा र दृढ़संकल्पलाई समाज अघि ल्याउँछ। हामी सदा समाजमा हरसम्भव बद्लाउ चाहन्छौं। दिव्यांग मानिसहरूले पनि जीवनमा आफूलाई चाहेको कुराहरू हासिल गर्न सक्छन् भन्ने हामी यस आयोजनको माध्यमले समाजमा जागरूकता सृष्टि गर्न चाहन्छौं।