कोलकाता: लोकसभा चुनावको ठीक अघि नागरिकता संशोधन ऐन (सीएए) लागू गरिएको विषयलाई भाजपाको राजनीतिक चाल रहेको पश्चिम बंगालका मुख्यमन्त्री ममता ब्यानर्जीले बताएकी छन्l सीएएमा कुनै पनि भेदभाव सहन नगर्ने उनको भनाइ छ। राज्य सचिवालयमा मिडियासँग कुरा गर्दै, उनले नागरिकता गुमाएमा कडा विरोध चेतावनी दिइन्l रमजानको पवित्र महिना अघि सीएए लागू गर्ने समयमाथि प्रश्न गरिन्। उनले भनिन्, ‘चुनावको घोषणा हुनुभन्दा दुई-तीन दिन अघि यसलाई लागू गर्न आवश्यक महसुस भएको थियो किनभने यो एक राजनीतिक षडयन्त्र, छल, ललीपप हो। धर्म, रङ वा लिङ्गको आधारमा कुनै भेदभाव भएमा हामी स्वीकार गर्दैनौंl’ उनले भनिन्, ‘सीएए लागू भएपछि एनआरसी आएमा कसैले आफ्नो नागरिकता गुमाएमा हामी चुप लाग्दैनौं। हामी कडा विरोध गर्नेछौं। जसरी हामी एनआरसीलाई स्वीकार गर्दैनौं, हामी सीएएको नाममा मानिसहरूलाई हिरासत शिविरमा पठाउने कुनै षड्यन्त्रलाई अनुमति दिनेछैनौंl’ उनले अझ भनिन्, ‘सीएए बंगालमा मात्र होइन उत्तर पूर्वमा पनि संवेदनशील छ। हामी चुनाव अघि नयाँ अशान्ति चाहँदैनौं। मलाई थाहा छ किन उनीहरूले यो मिति रमजानको पवित्र महिनाको पूर्वसन्ध्यामा सीएए लागू गर्न रोजे?’