गान्तोक:‘विकसित भारत, विकसित उत्तरपूर्व’ तर्फ प्रधानमन्त्री नरेन्द्र मोदीको दृष्टिकोण अनुरूप, राज्यपाल लक्ष्मण प्रसाद आचार्यले इटानगर, अरुणाचल प्रदेशमा प्रधानमन्त्रीद्वारा उत्तर पूर्वी क्षेत्रमा विभिन्न विकास परियोजनाहरूको उद्घाटनमा भाग लिए। भेलालाई सम्बोधन गर्दै प्रधानमन्त्रीले प्राविधिक विकासले महिलाको समावेशीकरणमा जोड दिँदै कार्यक्रमको व्यापक पहुँच एक हजारभन्दा बढी सहभागीसम्म पुर्याएको बताए। उनले उत्तरपूर्वी राज्यहरूको समृद्धिको लागि आफ्नो दृष्टिकोण व्यक्त गरे र यस क्षेत्रलाई देशको प्रगतिको आधारभूत स्तम्भको रूपमा प्रशंसा गरे, राजभवन विज्ञप्तिमा भनिएको छ। ‘विकसित भारत’ पहल अन्तर्गत सन् २०४७ सम्ममा यस क्षेत्रको समग्र प्रगतिले विकसित भारत हासिल गर्न महत्वपूर्ण भूमिका खेल्ने प्रक्षेपण गर्दै प्रधानमन्त्रीले पूर्वोत्तरलाई देशको विकासको मेरुदण्डको रूपमा प्रशंसा गरे। यसका साथै प्रधानमन्त्रीले इटानगरमा आयोजित कार्यक्रममा पूर्वोत्तर क्षेत्रका विभिन्न विकास आयोजनाको उद्घाटन र शिलान्यास गरेका थिए। आयोजनामध्ये उनले सोरेङ जिल्लामा बहुउद्देश्यीय सामुदायिक केन्द्रको शिलान्यास गर्नुका साथै थारपुदेखि दरम्दिनसम्मको नयाँ सडकको स्तरोन्नति तथा निर्माण कार्यको उद्घाटन गरेका थिए।