बोलपुर(बंगाल): शान्तिनिकेतनका चर्चित निर्देशक गौतम घोषलगायतका कलाकारहरू पुलिस कारबाही र किसानको विरोधमा गोली चलाएको विरोधमा प्रदर्शनमा उत्रिएका छन्। शनिबार शान्तिनिकेतनको प्राची–प्रतिची आर्ट ग्यालरीमा किसान आन्दोलनले सांस्कृतिक कार्यक्रमको आयोजना गरेको थियो। सबैले छलफल, नाटक र चित्रकला मार्फत केन्द्र सरकारको किसान विरोधी नीतिको विरोध गरे। पंजाब र हरियाणाका किसानहरूले केन्द्रीय कृषि नीतिको विरुद्धमा दोस्रो पटक दिल्ली अभियान सुरु गरे पनि सरकारले यस अभियान विरुद्ध धेरै कडा कदम चालेको छ। शुरुदेखि नै किसानलाई रोक्न सडकमा कीला हानेको आरोप लाग्ने गरेको छ भने कहिले गोली चलाउने, अश्रुग्याँस प्रहार गरेको आरोप लागेकाले देशका विभिन्न तहका जनता भेला भएका छन्। किसान आन्दोलनको पक्षमा उभिएर केन्द्र सरकारको विरोध गर्दै शनिबार शान्तिनिकेतनमा सांस्कृतिक कार्यक्रमको आयोजना गरिएको थियो। प्राची–प्रतीची आर्ट रिसोर्टमा भएको कार्यक्रममा निर्देशक गौतम घोषको सहभागिता थियो। नाटककार जुल्फिकार जिन्ना ,कलाकार तपस मलिक ,सामाजिक कार्यकर्ता डा. अहसान कमल लगायतको सहभागिता रहेको थियो।