गान्तोक: देशको राजधानी नयाँ दिल्लीस्थित प्रगति मैदानमा ७ मार्चदेखि शुरू भएको आहर फुड प्रदर्शनीमा राज्यका उद्यामीहरूले पनि सहभागिता जनाएका छन्। गत ७ मार्चदेखि शुरू भएको यस प्रदर्शनी भोलि ११ मार्चको दिन समापन हुने भएको छ। राज्यको वाणिज्य एवम उद्योग विभागले राज्यका उद्यामीहरूलाई उनीहरूद्वारा उत्पादित बस्तुको प्रदर्शनको निम्ति दिल्ली पठाएको जानकारी गराइएको छ। आहार राष्ट्रिय र अन्तर्राष्ट्रिय खाद्य प्रशोधन फर्महरू, खाद्य मेसिनरी निर्माता, आपूर्ति श्रृंखला फर्महरू र सेवा प्रदायकहरूको सहभागितामा वार्षिक रूपमा आयोजना हुने भारतको सबैभन्दा ठूलो खाद्य मेला हो।

आहार सिक्किम खाद्य प्रशोधन उद्यमीहरूको लागि राष्ट्रिय र अन्तर्राष्ट्रिय एफएमसीजी कम्पनीहरूसँगको आफ्नो बजार सम्बन्ध कायम राख्न, तिनीहरूको खाद्य प्रशोधन प्रविधि र प्रविधिहरू अपग्रेड गर्न र उत्पादनमा वृद्धि गर्नको लागि एउटा महत्त्वपूर्ण मञ्च हो।

सिक्किमका जैविक उत्पादनहरू जस्तै ठूलो अलैंची, अदुवा, हर्दी, अदुवा, डल्ले खुर्सानीका उत्पादन, तिमी चिया र सिक्किम सुप्रिमद्वारा बजारको व्यवस्थापन भइरहेका छ।