कोलकाता: बुधबार,प्रधानमन्त्री नरेन्द्र मोदीले पश्चिम बंगालको उत्तर २४ परगना जिल्लाको बारासातमा सार्वजनिक र्‍यालीलाई सम्बोधन गरेकै दिन,मुख्यमन्त्री ममता ब्यानर्जीले ठूलो र्‍यालीको लागि आह्वान गरिन्। ब्रिगेड परेड ग्राउण्ड, कोलकातामा १० मार्चमा विशाल र्‍याली आयोजना गर्ने घोषणा गरिन्। एक सोशल मिडिया पोस्टमा,उनले भनिन्, ‘बोहिरागोटो जोमिदार’ (विदेशी जमिन्दार),जसको अर्थ भारतीय जनता पार्टी (भाजपा)ले बंगालको धैर्यता र शिष्टाचारलाई आफ्नो कमजोरीको रूपमा लिनु हुँदैनl’

‘बंगालको धैर्यता र शिष्टाचारलाई आफ्नो कमजोरी सम्झनु हुँदैन। बोहिरागोटो जोमिदारहरूलाई मार्च १० मा यो सम्झाउनु पर्छ। यो आइतबार ब्रिगेड मैदानमा #जोनोगोरोनसभा आफ्नो अधिकारको लागि सधैं लड्ने भूमिमा ऐतिहासिक घटना हुनेछ। बंगालको सुरक्षित भविष्यको लागि जनआन्दोलनको नेतृत्व गर्दै हुनुहुन्छ। बंगालले बाटो देखाउनेछ’, मुख्यमन्त्रीले ‘एक्स’मा पोस्टद्वारा भनिन्। उनले आफ्नो पोस्टको साथमा एउटा भिडियो सन्देश पनि साझा गरिन्, जसमा उनले राज्यका सर्वसाधारणलाई ब्रिगेड परेड ग्राउण्डमा ठूलो संख्यामा भेला हुन अपिल गरिएको छl अपिल गर्दै उनले भनिन्, ‘सडक निर्माण,घर निर्माण, ०० दिनको काम, स्वास्थ्य कार्यक्रम र अन्य धेरै योजनाका लागि जसरी रकम रोकिएको छ… बंगाल र यसका जनता वञ्चित भएको छ, त्यसको विरुद्धमा आन्दोलन गर्नेछौं। उनीहरू बंगालमा अशान्त वातावरण सिर्जना गर्न खोजिरहेका छन्l’

मुख्यमन्त्रीले भनिन् कि बंगालका मानिसहरूले धर्मको आधारमा भेदभाव गर्दैनन् र धेरै संस्कृतिका मानिसहरूलाई स्वीकार्छन्। बंगाल भारतको सांस्कृतिक राजधानी हो र यसले सबै संस्कृतिहरूप्रति सम्मान देखाउँछ। हामी भन्छौं कि मानिसहरू फरक-फरक विश्वास भए तापनि उनीहरूको वरिपरि उत्सवहरू सबै साझा गर्नका लागि हुन्। हामी आपसमा भेदभाव गर्दैनौं। उनीहरूले कसरी षड्यन्त्र गरिरहेका छन् हामी स्वीकार गर्न सक्दैनौं। बंगाललाई टुक्राउन र बंगाली संस्कृतिलाई नष्ट गर्न’, मुख्यमन्त्रीले भनिन्।