गान्तोक: राज्यका राज्यपाल लक्ष्मण प्रसाद आचार्यको अध्यक्षतामा कञ्चनजङ्घा विश्वविद्यालयको दोस्रो बोर्ड सभा राजभवनमा सम्पन्न भयो। आफ्नो सम्बोधनमा राज्यपाल आचार्यले विभिन्न क्षेत्रहरूमा सक्रिय विद्यार्थी संलग्न गराउनु पर्ने विषयमा प्रोत्साहन दिए। विद्यार्थीहरूको दृष्टिकोणलाई विकसित भारतको निम्ति केही प्रगति गर्नुपर्ने आग्रह गरे।

उनले विश्वविद्यालयका शिक्षकहरूलाई विद्यार्थीहरूलाई मार्गदर्शन र प्रेरणा दिनको साथै उनीहरूको ज्ञानको प्रज्वलनलाई बढावा दिनु पर्ने सुझाउ दिए।

उनले शिक्षा प्रमाणपत्र वितरणभन्दा बाहिर फैलिएको कुरामा जोड दिँदै विद्यार्थीहरूको समग्र विकासको लागि यो योजना उत्प्रेरक हुनुपर्ने जानकारी गराए। प्रमाणपत्र वितरण बाहेक विश्वविद्यालयले विद्यार्थीहरूलाई सामाजिक र राष्ट्रिय हितलाई प्राथमिकता दिन, राष्ट्रको समग्र विकासमा योगदान पुर्‍याउन शिक्षित गर्न प्रोत्साहित गरिनु पर्ने सुझाउ दिए।

बालबालिकाहरूलाई राष्ट्रको भविष्यको आधारशिलाको रूपमा प्रकाश पार्दै राज्यपालले शिक्षकहरू, प्राध्यापकहरू, कुलपतिहरू र राजभवनलगायत विश्वविद्यालयहरूलाई उनीहरूको भूमिकामा आत्मपरीक्षण गर्न अपील गरे।

यसका साथै उनले विगतका आचार्यहरूको समर्पणबाट प्रेरणा लिएर शैक्षिक चेतना जगाउन हरेक कुना घुम्ने, राष्ट्रको उन्नतिको लागि उनीहरूको पाइला पछ्याउन आवश्यक पर्नेमा जोड दिँदै नियमित सञ्चार र भेटघाट गर्न सल्लाह दिए।

शिक्षा विभागका अतिरिक्त मुख्य सचिव आर तेलाङले कञ्चनजंघा राज्य विश्वविद्यालयलाई वर्ष २०२५ मा तिमी तार्कुमा नयाँ क्याम्पसको उद्घाटन गर्ने रणनीति बनाउन आग्रह गरे।