डिमापुर: नागाल्याण्डक उप मुख्यमन्त्री टीआर जेलियाङले भारत सरकारसित भारत-म्यान्मार सीमामा सीमा प्रबन्धनका लागि एक व्यापक तथा सन्तुलित दृष्टिकोण विकसित गर्न आग्रह गरेका छन्l उनले भने, ‘सीमामा  बर लागेर नागा सर्वसाधारणलाई विभाजित गर्ने निर्णय थोप्ने कुनै पनि एकतर्फी निर्णय घातक हुनसक्छl यो नागा सर्वसाधारणका लागि गम्भीर मुद्दा होl’ जेलियाङले बिहीबार राज्य विधानसभामा भारत-म्यानमार सीमामा तारबार लगाउने छलफलमा भाग लिँदै भने। उनले भने कि सदनले विपक्षी प्रस्ताव पारित गर्न र नागाल्याण्डसँगको भारत-म्यानमार सीमामा सीमाना तार निर्माणको कडा विरोध गरिरहेका नागा जनताको भावना भारत सरकारलाई पुर्‍याउन सक्छ। उनले यो पनि सुझाव दिए कि उत्तरपूर्वी भारतका समान विचारधाराका राज्य सरकारहरूले फ्री मुभमेन्ट रिजिम (एफएमआर) खारेज गर्ने आफ्नो निर्णयमा पुनर्विचार गर्न सामूहिक रूपमा भारत सरकारलाई सम्पर्क गर्न सक्छन्।

उनका अनुसार सिमानामा तारबार लगाउने कामलाई हरियो संकेत दिएमा भारत–म्यानमार सीमामा व्यापार र संचारमा सुधार ल्याउने प्रधानमन्त्री नरेन्द्र मोदी नेतृत्वको भारत सरकारको ‘एक्ट इस्ट नीति’ असफल हुनेछ। साथै उनले स्थानीय सीमा व्यापारलाई सहजीकरण गर्ने, सिमानाबासीको शिक्षा र स्वास्थ्य सेवामा पहुँच सुधार गर्ने र कूटनीतिक सम्बन्धलाई मजबुत बनाउने उद्देश्य रहेको एफएमआरलाई तल्लो तहका जनतालाई विश्वासमा लिएर अन्त्य गर्न नसकिने र परिमार्जन गर्न नहुने बताए। एफएमआरअन्तर्गत बिना भिसा १६ किलोमिटरसम्म सीमापार आवतजावत गर्न अनुमति दिइएको भन्दै जेलियाङले भारत–म्यानमार सिमानामा तारबार लगाउने र एफएमआरको यो प्रचलित प्रणाली अन्त्य गर्ने विचारले नागा जनतालाई विचलित पार्ने बताए।