सिलगढी: सिलगढीको वार्ड नम्बर ४-को महाराजा कोलनी इलाकाको एउटा छापाखानामा अवैध रूपमा लटरी छपाइरहेको अभियोग पाएपछि पुलिसले आज अपरान्ह अभियान चलाएर केही कार्टुन लटरी जफत गर्नको साथै ४ जनालाई हिरासतमा लिएको छ। सिलगढी थाना पुलिसले आज उक्त छापाखानामा अभियान चलाएर नकली लटरीको सन्देहमा केही कार्टुन लटरी जफत गरेको छ। धेरै दिन अघिदेखि उक्त छापाखानामा लटरी छपाउने कार्य चलिरहेको थियो। उक्त छापाखानामा ३ वटा कम्पनीको लटरी छाप्ने गरेको बताइएको छ। पुलिसले घटनाको जाँच शुरू गरेको छ।