सिलगढी: उत्तर बंगाल विश्वविद्यालय (एनबीयू) का अस्थायी कर्मचारीहरूलाई जारी गरिएको तलब वृद्धि नोटिस खारेजको विरोधमा बुधबार सारा बंगला तृणमूल शिक्षा समितिका सदस्यहरूले धर्ना दिए।
प्राप्त विवरण अनुसार संस्थाका सदस्यहरुले एनबियूको प्रशासनिक भवनमा विरोध प्रदर्शन गर्दै अर्थ विभागको कार्यालयमा तालाबन्दी गरी आक्रोश प्रदर्शन गरेका थिए। ‘कर्म समिति’को बैठकमा अस्थायी कर्मचारीले विश्वविद्यालयका उपकुलपतिलाई घेराबन्दी गरेका थिए।लगत्तै उपकुलपतिले अस्थायी कर्मचारीको १० प्रतिशत तलब वृद्धि र रु ५७ हजारको घोषणा गरेका थिए। मंगलबार अर्थ विभागले तलब बृद्धि तिर्न अस्वीकार गरेपछि संस्थाका सदस्यहरु आन्दोलनमा उत्रिएका हुन्। गभर्नरले तलब बृद्धि दिन अस्वीकार गरेको र आन्दोलनरत अस्थायी कर्मचारीका दुई नेतालाई कारबाही गर्न आदेशसमेत दिएको सदस्यहरूले आरोप लगाएका छन्। फलस्वरूप, यस दिन मजदुरहरूले आन्दोलन गरे; तर, उपकुलपति र रजिस्ट्रार उपलब्ध नभएकाले विश्वविद्यालयबाट कुनै प्रतिक्रिया आएको छैन।