सिलगढी: पश्चिम बंगालको सबैभन्दा पुरानो प्लान्टर्स एसोसिएसन तराई इण्डियन प्लान्टर्स एसोसिएसनले कन्ज्युमर टी प्याक्सहरू आएको शिकायतहरूबारे एक प्रेस विज्ञप्ति जारी गरेर चिन्ता प्रकट गरेको छl चिया बगान र कारखानाहरू फूड सेफ्टी एण्ड स्टान्डर्ड अथोरिटी अफ इण्डिया (एफएसएसएआई)मा दर्ता भएको र प्रचलित मापदण्डहरूको कडाईका साथ पालना गर्छन् भन्ने कुरा सम्बन्धित सबैलाई थाहा भएको भन्ने कुरा एसोसिएसनका अध्यक्ष महेन्द्र प्रसाद बन्सलले एक प्रेस विज्ञप्ति जारी गरेर बताएका छन्। विज्ञप्तिमा बताइएअनुसार, तोकेको मापदण्डअनुसार हालको परीक्षण प्रोटोकलले चियामा ३३ वटा रसायनको परीक्षण गर्न अनुमति दिने उल्लेख गरिएको छ। ‘परीक्षण नियमित रूपमा चिया उत्पादकहरू, साथै क्रेताहरू र यसको प्रोटोकलले एफएसएसएआई निर्धारित प्लान्ट प्रोटेक्शन फर्म्युलेसनहरू (पीपीएफहरू) समावेश गर्दछ र प्रतिबन्धित रसायनहरूको परीक्षणलाई पनि समावेश गर्दछ’, विज्ञप्तिमा बन्सलले बताएका छन्।

बन्सलले विज्ञप्तिमा यसरी बताएका छन्, ‘चिया उद्योगले सामाजिक वातावरणीय र नैतिक मापदण्डहरूको पालना सुनिश्चित गर्न प्रमाणीकरण एजेन्सीहरूद्वारा सामाजिक लेखापरीक्षणको अधीनमा छ, जुन राम्रोसँग दस्तावेज गरिएको छ र चिया बगानहरूले उत्पादन भइरहेको चिया जाँच गर्न पारदर्शी प्रणाली प्रचलित छ। तर, ग्रीन लिफको परीक्षणका लागि परीक्षण संयन्त्रलगायत थप परीक्षण पूर्वाधार निर्माण गर्नुपर्ने आवश्यकता छ। हामी विश्वस्त छौं, मूल्य शृङ्खलाका सबै सरोकारवालाहरू अर्थात् उत्पादकहरू, क्रेताहरू, प्याकेटहरू उपभोक्ताहरूलाई सुरक्षित/स्वस्थ र दिगो कप चिया उपलब्ध गराउने जिम्मेवार कानून पालन गर्ने निकायहरू हुन्l’