मंगन: मंगन जिल्लाको नागा सरकारी माध्यमिक विद्यालयमा सन्तुलित आहार, रक्तअल्पता, महिनावारी सरसफाई र बेटी बचाओ बेटी पढाओ सम्बन्धी सचेतना कार्यक्रम आयोजना गरियो।

यस कार्यक्रम आयोजना गरिनुको मुख्य उद्देश्य किशोर किशोरीहरूलाई सन्तुलित आहार कायम राख्ने, रक्तअल्पताबाट बाँच्न र महिनावारीको समयमा उचित सरसफाइको अभ्यास गर्नेबारे आवश्यक ज्ञानका साथ शिक्षित र सशक्त बनाउनु रहेको थियो।

सभालाई सम्बोधन गर्दै पोषण निरीक्षकले समग्र स्वास्थ्य र कल्याणको लागि सन्तुलित आहारको महत्त्वबारे विस्तृतरूपमा जानकारी गराए। मानिसहरूले प्रयोग गर्दै आइरहेको दैनिक भोजनमा विविध खाद्य समूह, भिटामिन र खनिजहरू समावेश गर्ने व्यावहारिक सुझावहरूबारे छलफल गरियो।

सीडीपीओ चुङ्थाङले महिनावारीको समयमा सरसफाई र व्यवस्थापन, एनिमियाका कारण र परिणामहरू, आइरन र अन्य आवश्यक पोषक तत्वहरूले भरिपूर्ण आहारका स्रोतहरूबारे प्रकाश पारे।

आईसीडीएस पर्यवेक्षकले नियमित हात धुने, उचित र समग्र सरसफाईको महत्त्वलाई जोड दिँदै व्यक्तिगत स्वच्छतामा अन्तरक्रियात्मक सत्रहरू सञ्चालन गरे। राम्रो स्वच्छता बानीहरूलाई सुदृढ पार्न व्यावहारिक प्रदर्शनहरू आयोजना गरिएको थियो।