राँची: भारतका अनुभवी अफ् स्पिनर रविचन्द्रन अश्विनले ईंग्ल्याण्ड विरुद्ध जारी चौथो क्रिकेट टेस्ट म्याचको तेस्रो दिन इतिहास रचे। आइतवार ईंग्ल्याण्डको दोस्रो ईनिंग्समा पहिलो २ विकेटको लिनको साथै अश्विन घरेलु मैदानमा सर्वाधिक टेस्ट विकेट लिने भारतीय बलर बने। यस मामिलामा उनले महान स्पिनर अनिल कुम्बलेलाई पछि छोड़े। अश्विनले घरेलु मैदानमा आफ्नो ५९औं टेस्ट म्याचमा ३५४ वटा विकेट हासिल गरिसकेका छन्। यहाँको जेएससीए इण्टरनेशनल कम्प्लेक्समा अश्विनले तेस्रो दिन लञ्चपछि यस विशेष उपलब्धिलाई हासिल गरे। अश्विन घरेलु मैदानमा ३५० या त्यसभन्दा अधिक टेस्ट विकेट लिने मुथैया मुरलीधरन, जेम्स एण्डरसन, स्टुअर्ट ब्रड र कुम्बलेपछि पाँचौं बलर पनि बने। अश्विनले आज बेन डकेटलाई आउट गरी कुम्बलेको बराबरी गरे। त्यसको लगत्तै पछि ओली पोपलाई शून्यमा आउट गरी उनले महान लेग स्पिनरलाई पछि छोड़े। कुम्बलेले घरेलु मैदानहरूमा ६३ वटा टेस्टमा ३५० विकेट लिएका थिए। यस सूचीमा श्रीलंकाका मुरलीधरन शीर्षमा छन्, जसले ७३ वटा घरेलु टेस्टमा ४९३ विकेट लिएका थिए। अश्विनले केही दिन अघि मात्र टेस्ट क्रिकेटमा आफ्नो ५०० विकेट पूरा गरेका थिए।