राजगञ्ज: सन्देशखाली घटनाको प्रतिवादमा भाजपा महिला मोर्चाको तर्फबाट आज राज्यभरिमै थाना घेराउ कार्यक्रम चलि रहेको छ। यसै क्रममा आज भाजपा महिला मोर्चाका सदस्यहरूले भोरेर आलो थाना, आमबारी आउटपोस्ट र राजगञ्ज थानामा विक्षोभ प्रदर्शन गरे। भाजपा महिला मोर्चाका कार्यकर्ता तथा समर्थकहरू आज रैलीको माध्यमद्वारा थानामा पुग्न साथ पुलिसले प्रदर्शनकारीहरूलाई रोकिदियो। यसपछि भाजपाको एउटा प्रतिनिधी टोली थानामा गएर ओसीसित भेट गरेको बताइएको छ। यस विषयमा भाजपा महिला मोर्चाका सदस्यले बताएअनुसार सन्देशखाली घटनाको प्रतिवादमा राज्यभरिमै आज भाजपा महिला मोर्चाको तर्फबाट थाना घेराउ कार्यक्रम पालन गरिरहेको छ। यस अवधि प्रदर्शनकारीहरूले राज्यको पुलिस प्रशासन सत्तारूढ पार्टीको दासको रूपमा परिणत भएको बताए। अन्यायमा परेका महिलाहरूले न्याय पाएका छैनन्। यसैको न्यायको माग गर्दै आज विक्षोभ प्रदर्शन गरिएको हो। यसबाहेक शेख शाहजहाँ लगायत अन्य दोषीहरूलाई चाँडै पक्राउ गरिनुपर्ने मागमा आज आफूहरूले थाना घेराउ कार्यक्रम पालन गरेको हो।