कोलकाता: एक राष्ट्रिय मानव अधिकार आयोगको टोलीले शनिबार लगातार दोस्रो दिन सन्देशखालीको भ्रमण गरेको समाचार छl टोलीले त्यहाँ जमिन कब्जा गरेको आरोपबारे छानबिन गर्न भ्रमण गरेको समाचार छl संचारमाध्यमको समाचार अनुसार,  मीनाक्षी मुखोपाध्यायको नेतृत्वमा सीपीआई (एम) प्रतिनिधिमण्डलले उत्तर २४ परगना जिल्लाको द्वन्द्वग्रस्त क्षेत्रको पनि भ्रमण गरेको छl मुखोपाध्यायले पार्टी नेता पलाश दाससँगै विभिन्न घरमा पुगेर स्थानीयसँग कुराकानी गरेको समाचार छ। एडीजी (दक्षिण बंगाल) सुप्रतीम सरकारले पनि क्षेत्रको भ्रमण गरे। यसैबीच, भाजपा नेता सुभेन्दु अधिकारीले सन्देशखालीको अवस्थालाई नन्दीग्रामसँग तुलना गरेका छन्l जहाँ २००७-०८ मा तत्कालीन वाम मोर्चा सरकारले जबरदस्ती भूमि अधिग्रहणको विरूद्ध आन्दोलनले २०११ मा टीएमसीलाई सत्तामा ल्याएको थियो। ‘सन्देशखालीको अवस्था नन्दीग्रामजस्तै छ… जनताले यस क्षेत्रमा जमिन कब्जा, यौन उत्पीडन र लोकतन्त्रको हत्याको गम्भीर आरोप लगाएका छन्’, उनले कोलकातामा पत्रकारहरूलाई भने।