शिलोङ: मेघालय उच्च अदालतले शुक्रबार, जिल्ला एवं सत्र न्यायाधीश, पश्चिम जयन्तिया हिल्सको निर्णयलाई परिमार्जन गर्‍यो, जसले आईपीसीको धारा ३०२/३४ अन्तर्गतको अपराधको लागि तीन व्यक्तिलाई १५०००-१५००० रुपियाँ जरिवानाको साथ आजीवन कारावासको सजाय सुनाएको थियो। उच्च अदालतले, २८ जुलाई २०२२मा जिल्ला र सत्र न्यायाधीश, पश्चिम जयन्तिया हिल्सले सुनाएकाे सजायलाई परिमार्जन गर्यो र तीन दोषीलाई दश वर्षको सश्रम कैद र प्रत्येकलाई १५००० रुपियाँ जरिवानाको सजाय सुनाए।  दोषीले थप तीन महिना अतिरिक्त कैद सजाय पनि भोग्नुपर्नेछ।
उच्च अदालतले ट्रायल अदालतको आदेशबमोजिम जरिवाना रकम नतिरेमा मृतकका परिवार वा नजिकका आफन्तलाई दिइने बताएको छ। अभियोग मुद्दा शर्विह राक्यातले ११.०७.२००६ मा दिएको उजुरीको आधारमा, उनको छोरा सलोङ राक्यातको हत्या मुत रक्यात र दिलीप चिरमाङसहित तीन जना अभियुक्तहरूले गरेको हो। उक्त मुद्दाको जिम्मा पुलिस उप निरीक्षक सी. लामारेलाई  दिइएको थियो र गहिरो अनुसन्धान र साक्षीहरूको जाँच पछि अभियुक्तहरूलाई पक्राउ गरिएको थियो। अनुसन्धानपछि एडीसी, जोवाईको अदालतमा आरोपपत्र पेस गरियो र सुनवाईलाई जिल्ला तथा सत्र न्यायाधीश, पश्चिम जैतिया हिल्सलाई बुझाइयो। त्यसपछि तीनै दोषीलाई जन्मकैदको सजाय सुनाइएको थियो।