गुवाहाटी: लागूऔषध ओसारपसार विरुद्ध ठूलो कारबाही गरेको छ। आसाम पुलिसले राज्यका विभिन्न स्थानबाट १० जनालाई पक्राउ गरी ठूलो परिमाणमा लागुऔषध बरामद गरेको छ। पुलिसले अवैध लागुऔषध भरिएको १५ कन्टेनर, दुई वटा मोबाइल र १३ हजार ५ सय नगद बरामद गरी मोइराबारीबाट सिराजुल इस्लाम, सिराज अली र मुस्तफा आलम नामका तीन जनालाई पक्राउ गरेको छ। डिब्रुगढको मोरान टाउनमा प्रहरीले आफ्नो अपरेशन जारी राख्दै जीतुल दास र अंकुर गोगोईलाई पक्राउ गरी २३.६२ ग्राम हेरोइन बरामद गरेको छ। महानगरीय अपराध महाशाखाको टोलीले हातिगाउँ र बसिष्ठा पुलिससँगको संयुक्त अभियानमा लागूऔषध कारोबारी मोहिदुल इस्लाम, निजामुद्दीन, नुरुजा बेगम र अन्य दुईजनालाई पक्राउ गरेको छ, जसको परिचय खुल्न बाँकी छ। टोलीले हेरोइन भरिएको २० थान साबुन बक्स र लागूऔषधका थप २७ थान बरामद गरेको छ।