गान्तोक: पाक्योङ जिल्लाको तारेथाङ गाउँमा मकै रोपण सम्बन्धी प्रशिक्षण कार्यक्रम सफलतापूर्वक सम्पन्न भयो। बैठकमा कृषि तथा बागवानी विभागका मन्त्री लोकनाथ शर्माले उपस्थित मानिसहरुसंग अन्तरक्रिया गरेका थिए। कार्यक्रममा पावर टिलर, ड्रिल मसिन र गोरु पालनको प्रयोग र फाइदाहरूबारे प्रदर्शनी गरियो। यी कृषि औजारहरूको फाइदाहरूमाथि जानकारी गराइएको थियो। अन्तरक्रियामा मन्त्री शर्माले मुख्यमन्त्रीले परिकल्पना गरेका दुरदर्शी योजनाहरूबाट कृषक समुदायले अहिले उपभोग गरिरहेका धेरै फाइदाहरूबारे विचार साझा गरे। उनले मकै ड्रिल मेसिनको प्रदर्शनमा पनि भाग लिए र राज्यभित्र मकै उत्पादन बृद्धि गर्न यसको महत्वपूर्ण भूमिकामा प्रकाश पारे। स्थानीय कृषकहरूलाई सहयोग गर्ने प्रयासमा मन्त्री शर्माले ग्रीन हाउस यूभी फिल्म, उच्च घनत्व मकै हाइब्रिड बीउ, एग्रोनेट, पोली पाइप लगायतका अत्यावश्यक स्रोतहरू वितरण गरे। कार्यक्रममा पाक्योङ जिल्लाको बागवानी विभागका अतिरिक्त निर्देशक टी भोटिया, क्षेत्रीय कार्यकर्ता र किसानहरुको उपस्थिति रहेको थियो।