कोलकाता: ममता बनर्जी आधार कार्ड निष्क्रिय पारिएका व्यक्तिहरूको नाम दर्ता मुख्य सचिव बीपी गोपालिकाले गर्न पोर्टल शुरु गर्ने मुख्यमन्त्री ममता ब्यानर्जीले बताएकी छिन्l अवैध दस्तावेजहरूका कारण बंगालमा कसैलाई पनि सरकारी सेवा वा लाभबाट वञ्चितनगरिने उनको भनाइ छ। उनले भनिन्, ‘मैले सुनेको छु,  उनीहरू (भाजपाको नेतृत्वमा रहेको केन्द्रीय सरकार) बंगालभर आधार कार्ड रद्द गर्दैछन्। यो गर्ने अधिकार तपाईलाई कसले दियो? म यहाँ उपस्थित हाम्रा मुख्य सचिवलाई अनलाइन पोर्टल खोल्न आग्रह गर्न चाहन्छु। म ती मानिसहरूलाई त्यो अनलाइन प्लेटफर्ममा दर्ता गर्न अनुरोध गर्दछु, जसको आधार कार्ड निष्क्रिय गरिएको छ’, मुख्यमन्त्री ममता ब्यानर्जीले आइतवार सुरी, वीरभूममा सार्वजनिक कल्याण वितरण कार्यक्रममा यसो भनिन्।

उनले स्वास्थ्यकर्मीहरूलाई भूइँ स्तरमा काम गर्ने सरकारी कर्मचारीहरूलाई ती मानिसहरूको रिपोर्ट गर्नु भनेकी छिन्, जसको आधार कार्ड हालैमा निष्क्रिय पारिएको छ। मुख्यमन्त्री ममता ब्यानर्जीको निर्देश यस्तो समाचारहरू बीच आएको छ, जसमा भनिएको छ राज्यक विभिन्न भागहरू केही मानिसहरूलाई भारतीय विशिष्ट पहचान प्राधिकरण (युआईडीएआई)बाट पत्र प्राप्त भएको थियो, जसमा भनिएको छ उनीहरूको आधार नम्बर निष्क्रिय गरिएको छ अनि देशमा रहने उनीहरूको आवश्यकताहरू पूरा भएको छैन। उत्तर २४ परगना, नादिया र पूर्वी बर्दवान जस्ता जिल्लाहरूमा पछिल्ला केही दिनहरूमा धेरै मानिसहरूले यस्तो पत्र प्राप्त गरेका छन्। राज्य सरकारका एक वरिष्ठ अधिकारीले भने, ‘मुख्यमन्त्रीको निर्देशनले अनलाइन र अफलाइन दुवै प्रकारका पत्रहरू प्राप्त गर्नेहरूलाई दर्ता गर्न अभ्यास शुरु गर्न अधिकारीहरूलाई निष्क्रिय आधार नम्बरहरूको डाटाबेस तयार गर्न मद्दत गर्नेछl’ पूर्वी बर्दवानको जमालपुरमा कथित रूपमा त्यस्ता पत्रहरू प्राप्त गर्ने व्यक्तिहरूको समूहलाई सन्दर्भ गर्दै मुख्यमन्त्री  ममता ब्यानर्जीले भनिन् कि यदि उनीहरूको आधार निष्क्रिय भए पनि उनको सरकारले कसैलाई पनि कल्याणकारी योजनाहरूबाट वञ्चित हुन दिने छैन। उनले भनिन्, ‘चुनाव अघि उनीहरूले बंगालका जनतालाई कल्याणकारी योजनाहरूको फाइदा लिनबाट रोक्नको लागि यसो गरिरहेका छन्। आज, म यो स्पष्ट गर्न चाहन्छु, तपाई बंगालमा कुनै पनि सामाजिक कल्याण योजनाबाट वञ्चित हुनुहुने छैन, यदि तपाईसँग आधार कार्ड छैन भने पनि। तपाईंले आधार कार्ड बिना नै हाम्रा सबै योजनाहरूको फाइदा लिन सक्षम हुनुहुनेछl’