इटानगर: राज्यपाल केटी परनाईक आफ्नी पत्नी अनघा परनाईकसहित इटानगरमा शुक्रबार वाञ्चो जनजातिको उडिया चाड पर्वमा सहभागी भएका छन्। आफ्नो जीवन्त सांस्कृतिक सम्पदा प्रदर्शन गर्न वाञ्चोको प्रशंसा गर्दै राज्यपालले भने, ‘उडिया जस्ता आदिवासी चाडहरूले संगीत, नृत्य र समारोहहरू मार्फत पुस्तादेखि पुस्तासम्मको परम्परा र सांस्कृतिक सारलाई हस्तान्तरण गर्न सक्षम बनाउँछl’ ‘आदिवासी चाडपर्वहरूको उत्सवले सांस्कृतिक सम्पदाको संरक्षण, प्रवर्द्धन र पुनरुत्थानको लागि एक शक्तिशाली माध्यमको रूपमा काम गर्दछ र अरुणाचल प्रदेशको विविधतामा योगदान पुर्‍याउँछ’, राज्यपालले भने, ‘यसले स्थानीयका लागि आवाज प्रयासलाई सुदृढ बनाउँछl’

गोडोक रोक्कम र जाखु पन्सा कायमद्वारा लिखित वाञ्चो लोककथामा अपु-आपा नामक पुस्तक विमोचन गर्ने राज्यपाल परनाईकले स्थानीय भाषाहरूको संरक्षणमा जोड दिए, जुन संज्ञानात्मक, सामाजिक र भावनात्मक पहिचानको लागि महत्त्वपूर्ण रहेको बताए। उनले अझ भने, ‘युवा वर्गलाई सुर्ती र लागुऔषधबाट मुक्त गराउने, घरेलु हिंसाबाट टाढा रहने र समाजलाई सामाजिक विकृतिबाट मुक्त गराउने दायित्व जनजातिका अग्रजहरुको होl’ सांस्कृतिक महोत्सवको मुख्य आकर्षण लङखाव गाउँ (लोङदिङ)का गाउँलेहरुको ‘मेगा डान्स’ र वाञ्चो महिलाहरुको वाञ्चो लोकनृत्य, तिराप, नामसाई, चाङलाङ र लङदिङ जिल्लाका विद्यार्थीहरुले बाँसको नृत्य तथा परम्परागत वाञ्चो प्रस्तुति रहेको थियो ।डेरा नातुङ सरकारी कलेज र डन बोस्को कलेजका विद्यार्थी वाञ्चोले प्रस्तुत गरेको समसामयिक नृत्यले उत्सवमा रंग थपेको थियो।