अबु धाबीमा बनेको पहिलो हिन्दू मन्दिर बुधबार उद्घाटन गरिएको छ। अबु धाबीको यो मन्दिर निकै भव्य र विशाल छ। यहाँ सनातनी संस्कृति देख्न सकिन्छ। बीएपीएसद्वारा निर्मित यस मन्दिरको उद्घाटन १४ फरवरीमा प्रधानमन्त्री मोदीले गरेका हुन्। यसरी मुस्लिम राष्ट्र युएईको अबु धाबीमा पनि पहिलो मन्दिर निर्माण सम्पन्न भएको छ। अबु धाबी पछि अब अर्को मुस्लिम देशमा हिन्दू मन्दिर बन्न लागेको छ। यसका लागि यस देशका राजाबाट जमिन प्राप्त भएको छ। यसका लागि छिट्टै काम शुर हुनेभएको छ।

युएईपछि अर्को मुस्लिम देश बाहरिनमा मन्दिर बन्ने भएको छ। यो मन्दिर पनि अबु धाबीको मन्दिर जत्तिकै विशाल हुनेछ। महत्त्वपूर्ण कुरा यस्तो च, यो पनि बोचासन निवासी अक्षर पुरुषोत्तम स्वामीनारायण संस्था अर्थात बीएपीएसले निर्माण गर्न लागेको हो। मन्दिर निर्माणका सम्बन्धमा बीएपीएस प्रतिनिधिमण्डलले बहराइनका शासकलाई भेटेका थिए। मन्दिरका लागि बाहरिन सरकारले जमिन उपलब्ध गराइसकेको छ भने अब निर्माण शुरु गर्ने औपचारिकता पनि सकिएको छ। १ फरवरी २०२२ मा बाहरिननका क्राउन प्रिन्स सलमान बिन हमाद अल खलिफाले स्वामीनारायण हिन्दू मन्दिर निर्माणका लागि जमिन उपलब्ध गराउने घोषणा गरेका थिए। त्यसपछि मन्दिर निर्माणका सम्बन्धमा स्वामी अक्षरती दास, डा. प्रफुल्ल वैद्य, रमेश पाटीदार र महेश देवजीको प्रतिनिधिमण्डलले उनलाई भेटेका थिए। विभिन्न सांस्कृतिक र आध्यात्मिक गतिविधिका लागि ठाउँ उपलब्ध गराउने मन्दिरको उद्देश्य सबै धर्मका मानिसलाई स्वागत गर्नु रहेको बीएपीएसले जनाएको छ। बीएपीएसका गुरु महन्त स्वामी महाराजले बहारिननमा मन्दिरको जमिनको लागि प्रधानमन्त्री मोदी र बाहरिननका युवराजलाई कृतज्ञता व्यक्त गरेका छन्। यसले दुई देशबीचको घनिष्ठ सम्बन्ध र धार्मिक सद्भावको शाश्वत विश्वासलाई झल्काउने पनि बताए।