सिलगढी: सिलगढी सेवक रोडमा भएको हिट एन्ड रन केसको छानबिन गर्दा डीडीले दोस्रो आरोपीलाई पक्राउ गरेको छ। पक्राउ परेका अभियुक्तको नाम सन्तोष प्रसाद हो। उनी गान्धी नगरका बासिन्दा हुन्। सेवक रोडमा तीव्र गतिमा आएको कारले नियन्त्रण बाहिर गएर दुईवटा गाडीलाई ठक्कर दिँदा सडक छेउमा उभिएका दुई जनालाई ठक्कर दिएको थियो। जसमा एक घाइते मुकेश मित्तलको मृत्यु भएको थियो। घटनापछि मृतक मुकेश मित्तलका परिवारले कारमा सवार सबैलाई पक्राउ गर्न माग गर्दै भक्तिनगर थानामा प्रदर्शन गरेका थिए। घटनाको दुई दिनपछि पुलिसले कार चालक दिपु गिरीलाई पक्राउ गरेको थियो। तर गाडीमा सवार अन्य यात्रीलाई पुलिसले पक्राउ गर्न सकेको थिएन। यसैलाई मध्यनजर गर्दै घटनाको अनुसन्धान डीडीलाई सुम्पिएको छ। केही दिनभित्रै डीडीले दोस्रो आरोपी सन्तोष प्रसादलाई उनको गान्धी नगरस्थित घरबाट हिजो राति पक्राउ गर्यो। यसैबीच, डीडीले बाँकी अभियुक्तहरूको खोजी गरिरहेको छ। आरोपीलाई आज जलपाईगुडी अदालतमा पेश गरिएको छ।