काेलकाता: भारतीय जनता पार्टी (भाजपा)को पश्चिम बंगाल एकाईका प्रमुख सुकान्त मजुमदार उत्तर २४ परगना जिल्लामा बुधवार विरोध प्रदर्शन अवधि भएको पुलिस लट्ठीचार्ज अनि हातपातमा लड़ेको कारणले घाइते भएका छन्।
उनलाई पहिला उत्तर २४ परगनाको अस्पतालमा भर्ती गरिएको थियो भने अहिले उनलाई कोलकातामा ल्याएर ईएम बाइपास नजिक एक निजी नर्सिंग होममा भर्ती गरिएको छ। पार्टीका एकजना पदाधिकारीले यसबारे जानकारी दिएका हुन्।
मजुमदारलाई जिल्ला प्रशासनले मंगलवार अशान्त सन्देशखाली जानदेखि रोकेको थियो। उनलाई बशिरहाट पुलिस जिल्ला एसपी (पुलिस अधीक्षक) कार्यालय सामु धरना गरेपछि अबेर राती टाकिस्थित एक अतिथि गृहमा राखिएको थियो। प्रदेश भाजपा प्रमुखले बुधवार बिहान फेरि सन्देशखाली जाने प्रयास गरे, तर पुलिसले उनलाई त्यहाँदेखि बाहिर जान दिएन। चोटिलभएपछि उनलाई बशिरहाट उपमण्डलीय अस्पतालमा पुऱ्याइयो।
मजुमदारले बुधवार आरोप लगाए, राज्य पुलिसले उनलाई हिंसाग्रस्त सन्देशखाली जानदेखि रोक्नको लागि उनको लजलाई घेराबन्दी गरेको छ। सन्देशखालीमा सत्तारूढ़ तृणमूल कंग्रेसप्रति निष्ठा राख्ने गुण्डाहरूले ग्रामीणहरूमाथि गरेको कथित अत्यायारलाई लिएर मानिसहरूले विरोध प्रदर्शन गरिरहेका छन्। मजुमदारले भने, उनलाई प्रदर्शनकारीहरूसित भेट गर्नका लागि अपरान्ह सन्देशखाली जानुथ्यो।