शिलोङ: मिजोरम एलईएसडीई मन्त्री पु लालनिङग्लोवा हमरले आज मेघालयको शिलोङमा आयोजित भारत जापान बौद्धिक सम्मेलनलाई सम्बोधन गरे। सम्मेलनको विषय ‘उत्तर पूर्वी भारत, बंगलादेश र इण्डो–प्यासिफिकमा बंगालको खाडी : द वे फर्वार्ड’ रहेको छ। भारत, जापान र बंगलादेशका सांसद तथा मन्त्रीहरू, राजदूतहरू, उच्चायुक्तहरु र कम्पनीका पदाधिकारीहरुको उपस्थिति रहेको थियो। बैठकको आयोजना विदेश मन्त्रालय, जापानको राजदूतावास र पूर्वोत्तर काउन्सिलले गरेको हो। कार्यक्रममा बोल्दै पु लालघिङग्लोवा हमारले भारत, जापान र बंगलादेशबीचको व्यापार बढ्दै गएको र यसका लागि पूर्वोत्तर राज्य महत्वपूर्ण रहेको बताए। उनले भने, ‘मिजोरम यस विशाल व्यापारमा भाग लिन मात्र नभई यो विशाल व्यापारमा महत्त्वपूर्ण भूमिका खेल्न चाहन्छl’ यसका लागि विद्यमान पहललाई निरन्तरता दिन नवगठित सरकार प्रतिबद्ध रहेको उनले बताए। लेस्दे मन्त्रीले मिजोका युवाहरु जापानमा काम गर्न जान लागेको र मिजोरम सरकारले यसलाई ठूलो मात्रामा कार्यान्वयन गर्ने योजना बनाएको बताए। यसका लागि उनले केन्द्र सरकारका प्रतिनिधि, राज्य सरकारका प्रतिनिधि र विभिन्न कम्पनीका प्रमुखलाई पनि सहयोगका लागि आमन्त्रण गरेका छन्। सम्मेलनमा विश्व व्यापारमा पूर्वतिर हेर्ने भारतको योजना, जापानको ठूलो लगानी र यस विकासमा पूर्वोत्तर राज्यहरूको सहभागिताबारे चर्चा भएको थियो।