नयाँ दिल्ली: मृत्युदण्डको सजाय सुनाएको करिब साढे तीन महिनापछि कतारले आठ पूर्व भारतीय नौसैनिकलाई रिहा गरेको छ। सबै आठ पूर्व भारतीय नौसैनिकको रिहाईलाई प्रधानमन्त्री मोदीको सबैभन्दा ठूलो कूटनीतिक विजयको रूपमा वर्णन गरिएको छ। यस कूटनीतिक जितमा प्रतिपक्षले पनि प्रधानमन्त्रीलाई बधाई दिएको छ। योसँगै जेएनयुकी पूर्व विद्यार्थी नेता शेहला राशिद, जो प्रायः आफ्नो विवादास्पद बयानका कारण चर्चामा रहने गर्छिन्, उनले सामाजिक सञ्जालमा पोस्ट गर्दै प्रधानमन्त्री मोदी र विदेशमन्त्री एस जयशंकरलाई ट्याग गरेर यो जितको बधाई दिएकी छन्। पूर्व विद्यार्थी नेता शेहला रशिदले सामाजिक सञ्जाल एक्समा पोस्ट गरेकी छन्, ‘मृत्युदण्डदेखि घर फर्किनुसम्म, यो भारतको लागि ठूलो कूटनीतिक विजय होl’ उनले यो जितले प्रधानमन्त्री नरेन्द्र मोदी र विदेशमन्त्री जयशंकरको नेतृत्वमा देशको विदेश नीति सक्षम हातमा रहेको प्रमाण बताउँदै जसले असम्भवलाई फेरि एकपटक सम्भव बनाएको बताइन्।‘ शान्त रहनुहोस् र विश्वास राख्नुहोस्! सबै परिवारलाई बधाई छ’, उनले लेखेकी छिन्।