कोलकाता: भाजपाका विधायकहरूले शुक्रबार राज्यमा चिया बगानका श्रमिकहरूको भूमि अधिकारबारे चर्चा गर्ने माग गर्दै विधानसभाबाट बाहिरिएl विधानसभा अध्यक्ष विमान ब्यानर्जीले शून्य घण्टामा यस मुद्दामा भाजपा विधायकहरूले प्रस्तुत गरेको स्थगन प्रस्तावलाई अनुमति दिएनन्, तर एक विधायकलाई सदनमा प्रस्तावको पाठ पढ्न अनुमति दिए। उत्तरी पश्चिम बंगालका चिया बगानका श्रमिकहरूलाई राज्य सरकारले जग्गाको अधिकार दिएको छैन भनि दाबी गर्दै भाजपा सदस्यले प्रस्ताव पढेपछि, भाजपाका विधायकहरू प्लेकार्ड लिएर उठे र यस मुद्दामा चर्चा गर्ने माग गर्दै नारा लगाए। सत्तारुढ दलका महिला सदस्यहरू पनि आआफ्नो सिटबाट उठेर प्रतिपक्षी दल भाजपाविरुद्ध नाराबाजी गरे। यसपछि भाजपाका विधायकहरूले सदनबाट वाकआउट गरे।