नयाँ दिल्ली: पाकिस्तानमा नयाँ सरकारका लागि आज (८ फरवरी) बिहानदेखि  मतदान भइरहेको छ। पाकिस्तानमा जारी आम चुनावको बीचमा आज दिउँसो ठूलो आतंकवादी हमला भएको छ। खैबर पख्तुनख्वाको डेरा इस्माइल खान जिल्लाको कुलाचीमा आतंकवादीहरूले पुलिसको मोबाइल भ्यानलाई निशाना बनाएका छन्। आतंकवादीहरूले पहिले आईईडी विष्फोट गरे र त्यसपछि अन्धाधुन्ध गोलीबारी गरेl पाकिस्तानको खैबर पख्तुनख्वामा भएको आतंकवादी हमलामा पाँच जान पुलिसको ज्यान गएको छ भने दुई  जना घाइते भएका छन्। आक्रमणकारीहरूले ३० मिनेटभन्दा बढी समयसम्म लगातार गोली चलाउनुअघि इम्प्रोभाइज्ड विस्फोटक उपकरण राखेका थिए। उक्त विष्फोटक पदार्थबाट गाडीको टुक्रा टुक्रा भएको थियो। चुनावको एक दिन अघि, बुधवार, अशक्त बलुचिस्तान प्रान्तमा दुईवटा विस्फोटमा कम्तिमा ३० जनाको मृत्यु भएको थियो। उल्लेखनीय छ, पाकिस्तानमा बिहीबार बिहान ८ बजेबाट आम निर्वाचनका लागि मतदान भइरहेको छ, जसमा ठूलो संख्यामा जनताले मतदान गरिरहेका छन्। पूर्वप्रधानमन्त्री नवाज शरीफको पार्टी यस चुनावमा सबैभन्दा ठूलो पार्टी बन्न सक्ने विश्वास गरिएको छ, किनभने उसलाई सेनाको समर्थन छ। बिहानदेखि शुरु भएको मतदान साँझ ५ बजेसम्म चल्नेछ। यस चुनावनमा देशभरका १२ करोड ८५ लाख ८५ हजार ७६० मतदाताले आफ्नो मताधिकार प्रयोग गर्न सक्नेछन्। मतदानलाई ध्यानमा राख्दै आज देशभर सार्वजनिक बिदा दिइएको छ। मतदान सकिए लगत्तै मतगणना शुरु हुनेछ। यसैबीच, देशको कार्यवाहक सरकारले पाकिस्तानमा ‘बिग्रँदै गएको सुरक्षा अवस्था’का कारण मोबाइल सेवाहरू निलम्बन गरिएको बताएको छ। गृह मन्त्रालयले ‘बिग्रँदै गएको सुरक्षा अवस्था’ लाई ध्यानमा राख्दै ‘देशभरका मोबाइल सेवा अस्थायी रुपमा बन्द गर्ने’ निर्णय गरेको जनाएको छ। कराची र पेशावरलगायतका केही शहरमा पनि फोन सेवा प्रभावित भएको खबर छ। इन्टरनेट र सेलुलर सेवाको असरबारे प्रमुख चुनाव आयुक्त (सीईसी) सिकन्दर सुल्तान राजाले आयोगले मन्त्रालयलाई सेवा सुचारु गर्न आग्रह नगर्ने बताए।