अमेरिकी सेनाका एक पूर्व पाइलटले एलियन्सबारे अनौठो दाबी गरेका छन्। आफूले तीन महिना ‘एलियन मदरशिप’मा बिताइसकेको उनको भनाइ छ। मानवले छिट्टै ब्रह्माण्डमा ‘प्राचीन एलियन भग्नावशेष’ भेट्टाउने उनको दाबी छ। ती व्यक्तिको पहिचान एलेक्स कोलियरको रूपमा गरिएको छ। उनले अमेरिकी सेनामा हेलिकप्टर पाइलटको रूपमा काम गरे। कोलियर भन्छन्, ‘उनले सन् १९८० मा दुई एलियनसँग कुरा गरेl’ उनले कथित रूपमा ‘एन्ड्रोमेडियन’ भनेर चिनिने एलियनहरूसँग समय बिताए, जसलाई भाइसियस र मोरोने भनिन्छ। कोलियरले दावी गरेअनुसार, उनलाई एलियनहरूले धेरै ठूलो अन्तरिक्ष यानमा लगेका थिए। विशेष बेल्ट लगाएर एलियनले उनीसँग तीन महिनासम्म कुराकानी गरेको दाबी छ।

सन् १९६० मा आफू बालक हुँदा पूर्व पायलट कोलियरले पहिलो पटक यो अनौठो भेट भएको बताएका छन्। लुकिछिपी खेल्दै हजुरबुवाको घरबाहिर सुतेको उनले बताए। जब उनी ब्युँझिए, उनले आफूलाई अँध्यारो कोठामा भेट्टाए। उनी भन्छन्, ‘त्यहाँ मैले विसियस र मोरोनेलाई भेटें। मैले तिनीहरू (एलियन्स)सँग युएफओमा करिब तीन महिना बिताएँl’ मल्टिभर्स वा अन्य आयामहरूमा भएको कारण, यो घटना पृथ्वीको समयमा १८ मिनेटको लागि मात्र भयो, जबकि यो एलियन्सको अन्तरिक्ष यानमा तीन महिनासम्म चल्यो। दुवै एलियनको जोडीले ब्रह्माण्डमा मानिस एक्लो नभएर अन्य धेरै एलियन जातिहरु पनि रहेको बताएको उनले बताए। उनी भन्छन्, ‘अन्तरिक्षमा १०० अर्ब आकाशगंगा छन्, तर हामी एउटा आयाम मात्र हेरिरहेका छौं। एन्ड्रोमेडियन्सका अनुसार १०० ट्रिलियन ग्यालेक्सीहरू छन् र हरेक ग्यालेक्सीमा जीवन छ, हामी एक्लै हुनबाट टाढा छौं। ब्रह्माण्ड विशाल छl हामी भर्खरै अन्तरिक्षमा यात्रा शुरु गर्दैछौं र हामी जताततै भग्नावशेषहरू भेट्टाउनेछौं। मानव छर सय वर्ष अगाडि छl’ उनी अझ भन्छन्, ‘मैले एक पटक एन्ड्रोमेडियनहरूलाई हामी प्राविधिक रूपमा कति उन्नत छौं भनेर सोधेको थिएँ, र (उनीहरूले भने) संयुक्त राज्यको सेना हामीले सोचेभन्दा चार वर्ष बढी प्राविधिक रूपमा उन्नत छ।’