पाकिस्तानमा चुनावको तीन दिन अघि आतंकवादी हमला भएको छ। खैबर पख्तुनख्वा प्रान्तको डेरा इस्माइल खानको एउटा पुलिस चौकीमा आतंकवादी हमला भएको छ, जसमा १० जना पुलिसको मृत्यु भएको छ। खैबर पख्तुनख्वा प्रान्तको डेरा इस्माइल खान जिल्लाको एक पुलिस चौकीमा अबेर राति भएको आक्रमणमा कम्तीमा १० पुलिसको मृत्यु भएको छ भने अन्य छह जना घाइते भएका छन्l घाइतेहरूलाई डीएचक्यु अस्पतालमा भर्ना गरिएको छ। पाकिस्तानमा ८ फरवरीमा आम चुनाव हुनेछl जिल्लाको तहसील दरबनमा रहेको पुलिस चौकीमा बिहान ३ बजे आतंकवादीले भारी हतियारसहित आक्रमण गरेको पुलिसले जनाएको छ। आतंकवादीहरूले चारैतिरबाट ग्रेनेड प्रहार गरे र भारी मात्रामा गोली चलाए। सरकारी एजेन्सीले पुलिसले जवाफी कारबाही गरेको बताए पनि आतंककारीहरू रातको अँध्यारोमा भागे। पाकिस्तानका पुलिसका अनुसार, सुरक्षा बलहरूले आतंकवादीहरूलाई पक्रन क्षेत्रलाई घेरा हालेका छन्। साथै उक्त क्षेत्रमा खोजी कार्यलाई तेज गति दिएको छ। यसका साथै घटनास्थलमा र्यापिड एक्सन फोर्स तैनाथ गरिएको छ। पाकिस्तानमा ८ फरवरीमा हुने चुनावअघि छिमेकी देशले लगातार आतंकवादी हमलाको सामना गरिरहेको छ। हालैमा बलुचिस्तानमा लगातार तीन आतंकवादी हमलाहरूमा चार सरकारी कर्मचारी र दुई सर्वसाधारणको मृत्यु भएको थियो, त्यसपछि पाकिस्तानी सुरक्षा बलहरूसँगको भिडन्तमा नौ जना आतंकवादीहरू पनि मारिए।