कोचबिहारः सिभिक भलन्टियरमाथि गाँजा तस्करीको आरोप लागेको छ। आरोपी सिभिक भलन्टियरको नाम अनिसुर रहमान हो जो दिनहटा थानामा कार्यरत छन्।

पुलिस सूत्र अनुसार आइतवार एक गोप्य सूचनाको आधारमा निशिगञ्ज चौकीका ओसी सौगत दासको नेतृत्वमा पुलिस अधिकारीहरूले निशिगञ्जमा नाका जाँच गरे। यसै अवधि पुलिसले एउटा सानो वाहनलाई रोक्यो। जाँचबुझमा चालकले वाहनमा गाँजा रहेको कुरा स्वीकार गऱ्यो। त्यसपछि अतिरिक्त पुलिस अधीक्षक सन्दीप गहराई, माथाभाँगा एसडीपीओ समरेन हलदार, माथाभाँगा पुलिस स्टेशन आईसी हेमन्त शर्मा निशिगञ्ज पुगे। पछि माथाभाँगा-२ का बीडीओ उज्ज्वल सरदारको उपस्थितिमा वाहनबाट लगभग २३ किलोग्राम गाँजा जफत गरियो। पुलिसले यस मामिलामा एक सिभिक भलन्टियर सहित चारजनालाई पक्राउ गरेको छ।

कोचबिहार जिल्लाका पुलिस अधीक्षक द्युतिमान भट्टाचार्यले बताए, एनडीपीएस अधिनियमका विशिष्ट धाराहरू अन्तर्गत आरोपीहरूविरूद्ध मुद्दा दर्ता गरिएको छ। कब्जामा रहेका आरोपीहरूलाई सोमवार अदालतमा पेश गरिनेछ।

-हिस