नयाँ दिल्ली, ३० जनवरीः भारतीय महिला क्रिकेट टीमकी स्टार अलराउण्डर दीप्ति शर्मालाई उत्तर प्रदेश सरकारले पुलिस उपाधीक्षक (डीएसपी) नियुक्त गयो। यस २६ वर्षीय खेलाड़ीले राष्ट्रिय टीमबाट खेल्दै मुश्किल परिस्थितिहरूमा निरन्तर असल प्रदर्शन गरेकी छन्। उनलाई उत्तर प्रदेशका मुख्यमन्त्रीले नियुक्ति पत्र र ३ करोड़ रुपियाँको नगद पुरस्कारले सम्मानित गरे। दीप्तिकी सफलताको यात्रा आगराको अवधपुरीको साधारण इलाकाबाट शुरु भएको थियो, जहाँ उनले दीपक चाहर जस्ता स्थानीय प्रतिभाहरूसँग आफ्नो क्रिकेट कौशललाई विकसित गरिन्। आफ्नो कौशलमाथि कठोर मेहनत गरेपछि उनले २०१४-मा राष्ट्रिय टीमको तर्फबाट पदार्पण गरिन्। त्यसपछि यस अलराउण्डरले १९४ वटा म्याचमा राष्ट्रिय टीमको प्रतिनिधित्व गरिन् अनि २२९ विकेट पनि हासिल गरिन्। उनले २०१८ र २०२२-मा महिला एशिया कपमा महत्त्वपूर्ण भूमिका निर्वाह गर्दै तल्लो क्रममा ब्याटको साथ पनि उपयोगी भूमिका निर्वाह गरिन्। गत वर्ष चीनमा भएको एशियन गेम्समा भारतलाई स्वर्ण पदक दिलाउनमा दीप्तिले महत्त्वपूर्ण भूमिका निर्वाह गरेकी थिइन्, जबकि उनी बर्मिङ्ङ्घम कमनवेल्थ गेम्समा रजत पदक जित्ने भारतीय टोलीमा पनि रहेकी थिइन्।