भर्खर भर्खर गयो
एउटा जानवर यहीँ भएर।
केही वर्षअघि सोधेथे
कि कहिलेसम्म गर्छौ सङ्घर्ष
र ल्याउँछौ परिवर्तन?
भनेथ्यो कि केही समय लाग्नेछ
साथ दियौ भने तिमीले।
त्यसपछि
मैले त के
यहाँका हरेक थोकहरूले साथ दिए
ढुङ्गा माटो हावा पानी
जम्मै जम्मैले साथ दिए।
अहिले जब
मैलै जान्न चाहेँ कि
यतिका वर्षपछि
ऊ किन जनावर भयो?
परिवर्तन खोज्न हिँडेको ऊ
किन स्वयम् परिवर्तित भयो?
ऊ चुपचाप छ।
त्यसैले अहिले ओइलाएको छ
आशाका मुनाहरू ममा
विश्वासको पानीले पनि अब त
बँचाउन नसक्ने भएको छ।
त्यसैले चुपचाप पर्खिरहेछु म पनि कहिले होला भनेर
परिवर्तन यो समयको।
(लेखिका भारतीय नेपाली साहित्यको संसारमा सुपरिचित महिला कवि एवं गजलकार हुनुहुन्छ)
About Author
Post Views: 250