जलपाईगढी: जलपाईगढी जिल्लाको धुपगुरी खण्ड निजी मेडिकल सेन्टरका प्रमुख रतनचन्द्र रायको पहलमा विगत पाँच वर्षदेखि ब्लकका विभिन्न वैष्णव सन्तहरूसँग वनभोज आयोजना हुँदै आएको छ। यो संसारका सबै मानिस मित्रता, माया र ममताको बन्धनमा बाँधिएमा यो संसार र समाजमा स्वर्गजस्तै शान्ति स्थापना हुने उनको भनाइ छ। यस्तै मानसिकता लिएर रतनबाबुले आफ्नो मेडिकल स्कुलबाट ३५ वटा टोटो लिएर तीन सयभन्दा बढी वैष्णव सन्तसँग राष्ट्रिय राजमार्गको धुपगुरी गोअरकान्टाको दुदुआ नदीको किनारामा खुला आकाशमुनि भोज सुरु गरे। प्रेम, भक्ति र सादगीले मात्र यस धर्तीमा स्वर्ग स्थापना गर्न सकिन्छ तर आज यो संसारको शान्ति खलबलिएको छ। यो सांसारिक समाज हिंसा, घृणा, साम्प्रदायिक दंगाले ग्रसित छ। यस दिन सबैलाई खुला आकाशमुनि लिएर सर्वप्रथम हिन्दू धर्मविलम्बीका नियम र सिद्धान्तको पालना गरी भोज हलमा विभिन्न पुजा तथा कीर्तन गरिएको थियो। सबैले यो विशेष दिन एकअर्कासँग खुसीसाथ बिताए।