जलपाईगढी। जलपाइगढी मिलन संघ परिसरमा आयोजित फूल प्रदर्शनीले मानिसहरूलाई आकर्षित गरिरहेको छ। उक्त फूल प्रदर्शनीमा भारत तथा विदेशका धेरै प्रकारका फूलहरु रहेका छन्। उक्त फूल प्रदर्शनी भोलि समाप्त हुनेछ। सो फूल प्रदर्शनी जलपाइगढी शहरको मिलन संघ मैदानमा आयोजना गरिएको छ भने जलपाइगढी बाहेक विभिन्न ठाउँका फूलहरू यहाँ प्रदर्शन गरिएको छ। क्रिसेन्थेमम्सदेखि डहलियासम्म सबै प्रकारका फूलहरू यस फूल प्रदर्शनीमा देख्न सकिन्छ भने यसको प्रदर्शनी जलपाइगढी हर्टिकल्चर संघले आयोजना गरेको बताइएको छ। यस सम्बन्धमा संघका तर्फबाट अमित साहले फूल प्रदर्शनीको यो दोस्रो वर्ष भएको बताएका छन्। जिल्ला बाहिरका फूल प्रेमीहरु पनि यहाँ फूल लिएर आउने गरेको र यहाँ मानिसहरु फूल हेर्न आउने गरेको तिनले बताए। पुष्प प्रदर्शनीमा सहभागी हुनेलाई उत्कृष्ट फूल बिक्रेताको अवार्ड पनि प्रदान गरिने बताइएको छ।