सिलगढी: आपराधिक घटना गर्नुअघि प्रधाननगर थानाले वार्ड नम्बर एकबाट ५ जना अपहरणकारीलाई पक्राउ गरेको छ। पक्राउ पर्नेमा सुनिल तामाङ, अरुण विश्वकर्मा, राजेश कुमार, उज्ज्वल क्षेत्री र मोहम्मद मुस्ताक रहेका छन्।स्रोतका अनुसार गएराति गस्तीका क्रममा वार्ड नम्बर एकमा केही युवाहरु शंकास्पद अवस्थामा देखिएका थिए। त्यसपछि पुलिस भ्यानमा उपस्थित पुलिसले ५ जना युवालाई घटनास्थलबाट समातेको थियो। सोधपुछका क्रममा उनीहरु सबैजना कुनै ठुलो षड्यन्त्रका लागि भेला भएको पुलिसले थाहा पायो। पुलिसले युवाहरुबाट धेरै धारिलो हतियार समेत बरामद गरेको छ।

त्यसपछि पुलिसले ५ जनालाई पक्राउ गरेको थियो। आज पुलिसले ५ जना बदमाशलाई सिलगढी अदालतमा पेश गरेको छ।