नयाँ दिल्ली, २० जनवरीः महेन्द्र सिंह धोनीले खेलबाट सन्न्यास लिएपछि भारतीय क्रिकेट टीमलाई अहिलेसम्म उनको सटीक रिप्लेसमेण्ट प्राप्त भएको छैन। उनको स्थानमा अहिलेसम्म धेरैजना खेलाड़ीलाई प्रयोग गरिएको छ तर कसैले पनि छाप छोड़्न सकेका छैनन्। यसबीच गत केही महिनादेखि जारी प्रदर्शनको आधारमा भारतीय टीमका सीनियर अफ् स्पिनर रविचन्द्रन अश्विनले रिंकू सिंहलाई फिनिशरको भूमिकाको निम्ति उपयुक्त मानेका छन्। रिंकूले ब्याटिंगले अश्विन निक्कै प्रभावित छन्। उनले पीचमा विशेषगरी कठिन परिस्थितिहरूमा रिंकूको शान्त स्वाभावको प्रशंसा गरेका छन्। उनले रिंकूलाई देब्रे हातको धोनी बताए कारण उनी जस्तै दबाउको परिस्थितिमा पनि शान्त रहन्छन्।
यसको साथमा अश्विनले उनी रिंकूलाई अहिले नै धोनी जतिको असल घोषणा गर्न नसक्ने पनि स्पष्ट गरे कारण पूर्व भारतीय कप्तान खेलका दिग्गज हुन्। आईपीएल २०२३-मा असाधारण प्रदर्शनपछि ख्याति अर्जन गर्ने रिंकूलाई गत वर्ष भारतीय टी२० टीममा चयन गरिएको थियो। रिंकूले अफगानिस्तान विरुद्ध तेस्रो टी२० अन्तर्राष्ट्रिय म्याचमा अविजित ६९ रन बनाएका थिए। उनले भारतीय ईनिंग्सको अन्तिम ओभरमा कप्तान रोहित शर्मासँग मिलेर ३६ रन बटुलेका थिए। उनको कौशल देखेपछि अश्विनले भने, म रिंकूलाई देब्रे हातको धोनी मान्छु। म अहिले नै त उनको तुलना धोनीसँग गर्न सक्दिनँ कारण धोनी महान खेलाड़ी हुन्। रिंकू जस्तै कठिन परिस्थितिहरूमा पनि संयमको साथ खेल्छन्। उनले यूपीको निम्ति धेरै रन बनाएका छन् अनि भारतीय टीममा पनि स्थान पक्का गरेका छन्।