१९ जनवरीः रोहिनी युथ क्लबको तत्त्वावधानमा आयोजित शहीद मिलन तामाङ स्मृति ओपन मिनी पोस्ट नक्आउट फूटबल टुर्नामेण्टको फाइनलमा मिरिक गोपालधारा र रोहिनी सेवेनबीच भिड़न्त हुनेछ । रोहिनी लेकमाथि स्थित गैरी गाउँ खेल मैदानमा बिहीवार भएको पहिलो सेमिफाइनल म्याचमा मिरिक गोपालधाराले चैतेपानीलाई पेनल्टी शूटआउटमा २-१-ले पराजित गऱ्यो। नियमित समयको खेलमा दुवै टीमले गोल गर्न सकेन। यसरी शुक्रवार दोस्रो सेमिफाइनल म्याचमा रोहिनी सेवेनले सुकना युनाइटेडलाई १-०-ले पराजित गऱ्यो। अब २१ जनवरीमा हुने टुर्नामेण्टको फाइनलमा मिरिक गोपालधारा र रोहिनी सेवेनबीच भिड़न्त हुनेछ।
यस फोर ए साइड टुर्नामेण्टमा च्याम्पियन हुने टीमलाई आकर्षक ट्रफीको साथमा ४० हजार रुपियाँको नगद पुरस्कार प्रदान गरिनेछ। यसरी रनरअप् हुने टीमलाई आकर्षक ट्रफीको साथमा २५ हजार रुपियाँको नगद पुरस्कार प्रदान गरिनेछ।