कोलकाताः भारतीय जनता पार्टीले २२ जनवरीमा अयोध्यामा श्रीराम मन्दिरको प्राण प्रतिष्ठाको दिन पश्चिम बंगालमा सार्वजनिक छुट्टी घोषित गरिने माग गरेको छ। पार्टीका प्रदेश अध्यक्ष सुकान्त मजूमदारले शुक्रवार मुख्यमन्त्री ममता ब्यानर्जीलाई यस सम्बन्धमा चिट्ठी लेखेका छऩ्। चिट्ठीमा भनिएको छ, २२ जनवरीको दिन भारतको एतिसाहिक परम्पराहरूलाई गौरवान्वित गर्ने दिन हो। यसैले पश्चिम बंगालमा छुट्टी घोषित गरिनुपर्छ। यसको माध्यमले नयाँ पीढ़ीलाई आफ्नो देशको सभ्यता र संस्कृतिप्रति गौरवान्वित हुने अवसर मिल्नेछ।

उल्लेख्य, मुख्यमन्त्री ममता ब्यानर्जीले प्राण प्रतिष्ठाको दिन राजधानी कोलकाता सहित पूरा राज्यमा सद्भावना ऱ्याली गर्ने घोषणा गरेकी छऩ्। त्यस दिन राज्यका धेरै हिस्साहरूमा भगवान रामलाई केन्द्रित गरी धेरै कार्यक्रमहरू हुनेछ। यस बाहेक एक दिनअघि मात्र मुख्यमन्त्रीले प्रकाश पर्वको अवसरमा हरेक साल सिख समुदायका सरकारी कर्मचारीहरूलाई छुट्टी दिने घोषणा गरेकी छऩ्।

-हिस