गान्तोक: सिक्किम सरकारका पर्यटन एवं नागरिक उड्डयन विभागीय प्रतिनिधि टोलीले गुजरातको गान्धीनगरमा आयोजित भाइब्रन्ट गुजरात ग्लोबल समिट २०२४ मा भाग लियो। पर्यटन तथा नागरिक उड्डयन विभागका प्रधान सचिव सीएस रावको नेतृत्वमा सिक्किमको प्रतिनिधि टोलीले भारतका प्रधानमन्त्री नरेन्द्र मोदीले १० जनवरी २०२४ मा महात्मा मन्दिर, गान्धीनगरमा भाइब्रन्ट गुजरात ग्लोबल समिट २०२४ को १०औं संस्करणको उद्घाटन गरेका थिए। शिखर सम्मेलनको विषय ‘गेटवे टु द फ्युचर’ थियो। कार्यक्रममा ३४ साझेदार देश र १६ साझेदार संस्थाहरुको सहभागिता रहेको थियो। यो शिखर सम्मेलनलाई पूर्वोत्तर क्षेत्रको विकास मन्त्रालयले पूर्वोत्तर क्षेत्रमा लगानीका अवसरहरू देखाउन मञ्चको रूपमा प्रयोग गरेको थियो। सो अवसरमा विभिन्न उद्योगी व्यवसायीहरुले सम्बोधन गरेका थिए। आर्सेलर मित्तलका अध्यक्ष, सुजुकी मोटर कर्पोरेशन, जापानका अध्यक्ष, रिलायन्स समूहका मुकेश अम्बानी, माइक्रोन टेक्नोलोजी, अमेरिकाका सीईओ सञ्जय मेहरोत्रा, अदानी समूहका अध्यक्ष गौतम अडानी, दक्षिण कोरियाको सिम्टेकका सीईओ श्री जेफ्री चुन, एन चन्द्रशेखरन, अध्यक्ष टाटा सन्स लिमिटेड, आदिले भेलालाई सम्बोधन गर्दै आफ्नो व्यापार योजनाको बारेमा जानकारी दिए। प्रधान सचिवले सिक्किममा लगानीको सम्भावित अवसरका बारेमा राज्य सत्रमा विस्तृत प्रस्तुति दिएका थिए।