सिलगढी: शङ्कर राय नाम गरेका एकजना व्यक्तिले जुवामा हारेपछि घरमा गएर रिसले टिभी, घरको विभिन्न सर-समान लगायत दैलो, खिड्की भत्काइदिएको बताइएको छ। स्वास्नीले यसको प्रतिवाद गर्दा तिनलाई समेत कुटपीट गरेको आरोप रहेको छ। उक्त घटनापछि स्वास्नी पिङ्की रायले लोग्नेविरुद्ध एनजेपी थानामा लिखित अभियोग दर्ता गरेपछि अभियोगको आधारमा पुलिसले लोग्ने शङ्कर रायलाई हिरासतमा लिएर थानामा लगेको छ। स्थानीय मानिसहरूले बताएअनुसार साँझ पर्न साथ रेल लाइन किनारमा लाखौँ लाखौँ रुपियाँको जुवा खेल्नेहरूको अड्डा जम्ने गर्दछ। जुवामा हारेपछि समय-समयमा घरमा तोडफोड गर्ने गरेकोले गर्दा इलाकावासी वाक्क-दिक्क भइसकेका छन्। यसभन्दा अघि पनि यस प्रकारको घटना भइसकेको थियो।