मालदाः जिस्काएको विरोध गर्दा एक स्थानीय युवाले आठ कक्षाकी छात्राको घाँटीमा धारिलो हतियार प्रहार गरी हत्या गरेको आरोप लागेको छ। मङ्गलबार दिउँसो करिब ३ बजे पुरानो मालदा थाना क्षेत्रको महिषबथनी ग्राम पञ्चायतको आठ माइल क्षेत्रमा भएको यो घटनालाई लिएर निकै सनसनी मच्चिएको छ। रगत बगेको विद्यार्थी र उनका सहपाठीको चिच्याहट सुनेर वरपरका मानिसहरू दौडिए। मानिसहरूले अभियुक्त युवकलाई खेदे तर उनी त्यस क्षेत्रबाट भागेका थिए। यसपछि विद्यार्थीलाई गम्भीर अवस्थामा मालदा मेडिकल कलेज र अस्पतालमा भर्ना गरिएको थियो। विद्यार्थीको अवस्था गम्भीर रहेको र आकस्मिक शल्यक्रिया गरिएको ड्युटीमा रहेका चिकित्सकले बताएका छन्। यसैबीच दिउँसो हुने यस्ता घटनाले पुरानो मालदाको आठ माइल क्षेत्रमा चरम त्रासको वातावरण सिर्जना गरेको छ। पुलिस र स्थानीय स्रोतका अनुसार घाइते विद्यार्थीको नाम सुदिपा स्वर्णकार (१३) रहेको छ। उनी आठ माइल क्षेत्रमा रहेको एउटा निजी बंगाली माध्यमको विद्यालयमा कक्षा ८ मा पढ्छिन्। बालिकाको घर गोलपारा क्षेत्रमा छ। ती विद्यार्थी त्यस दिन विद्यालय सकेर आफ्ना केही सहपाठीसँग घर फर्कदै थिइन्। त्यसपछि अभियुक्त युवकले विद्यार्थीमाथि अचानक चक्कु प्रहार गरेका थिए। यसपछि आरोपी घटनास्थलबाट भागेका थिए।
यहाँ आक्रमणको घटनापछि पुरानो मालदा थानाको पुलिस इलाका पुग्यो। आक्रमणकारीको नाम उज्ज्वल मण्डल (२३) रहेको पुलिसले जनाएको छ । उनको घर यस क्षेत्रको निजी विद्यालयको छेउमा छ । केटाले विद्यार्थीलाई लामो समयदेखि जिस्काउँदै आएको थियो । जिस्काएको विरोधमा यो हमला भएको पुलिसको प्रारम्भिक अनुसन्धानमा खुलेको छ। उज्वल मण्डल नामका युवकले लामो समयदेखि सुदिपालाई दुव्र्यवहार गर्दै आएको घाइते विद्यार्थीकी सहपाठी छाया बर्मनले पुलिसलाई बताइन् ।पुलिसले सीसीटीभी फुटेज लिई अनुसन्धान शुरू गरेको छ ।